هەڵوێستێکی جوانی رۆناڵدینهۆ و کافۆ بۆ زیانلێکەوتووانی لافاوەکەی بەڕازیل

یاریگا –

رۆناڵدینیۆ و کافۆ، ئەستێرەکانیی پێشووی بارسێلۆنا و ریال مەدرید، ئێستا یەکگرتوو بوون و دەیانەوێت یارمەتی زیانلێکەوتووانی وڵاتەکەیان بدەن.

دوو ئەفسانەکەی تۆپی پێی بەڕازیلی رۆناڵدینهۆ و کافۆ بەم زووانە لە یارییەکی خێرخوازیدا رووبەڕووی یەکتر دەبنەوە. یارییەک کە داهاتەکەی بۆ لێقەوماوانی لافاو لە ویلایەتی ریۆ گراندە دو سولە لە بەرازیل.

لافاو زیانێکی زۆری بەم ویلایەتەدا گەیاندووە و لە چەند هەفتەی رابردوودا چەندین ئەستێرەی بەرازیلیمان بینی کە هەڵوێستیان بەرامبەر بەم رووداوە هەبووە، بەتایبەت ڤینیسیۆس جونیۆر و رۆدریگۆ، ئەستێرە بەرازیلیەکانی ریال مەدرید، و رافینیای هێرشبەری بارسێلۆنا دەستەواژەیەکیان لەسەر جلی ژێرەوەیان لە ژێر درێسەکانیان نووسیبوو و داوای نزایان بۆ زیانلێکەوتووەکان کرد.

ئێستا دوو لە ئەفسانەی تۆپی پێی ئەم وڵاتە، کە سەردەمی زیڕینی خۆیان لە دوو رکابەرە گەورەکەی ئیسپانیا، بارسا و ریال بەسەر برد، ئێستا دەستی یەکتریان گرتووە و دەیانەوێت یارمەتی خەڵکەکانیان بدەن.

کافۆ کە دووجار وەک کاپتنی هەڵبژاردەی بەڕازیل نازناوی مۆندیالی بردەوەتەوە، لەمبارەیەوە گوتی:

من و رۆناڵدینهۆ چانسی بردنەوەی مۆندیالمان هەبوو و ئێستا کاتی بردنەوەی جامی یەکگرتووییە، با دەستی یەکتر بگرین و لەم کاتە سەختانەدا  هاوکاری براکانمان لە ریۆ گراندە دو سول بکەین.

ئەم یارییە لە یاریگای بەناوبانگی ماراکانا بەڕێوەدەچێت و نرخی کەمترین بلیت 30 ریالی بەڕازیلی دەبێت.