یاریگا –
ریس جەیمس، کاپتنی چێڵسی ریکۆردێکی نوێی وەرگرتنی کارتی سووری تۆمارکرد.
بەهۆی دووبارەبوونەوەی بەردەوامی پێکانی ماسوولکەی ران، جەیمس بەشداری تەنیا لە 10یاریدا کردووە. دوای دابڕانێکی درێژ، شەوی رابردوو وەک یاریزانی یەدەک بەشداری لە یارییەکەی بەرامبەر برایتن کرد. دوای بەشداریکردنی بە چەند خولەکێک، دوای بەردانەوەی جواو پێدرۆ، هێرشبەری برایتن، بە کارتی سووری راستەوخۆ کرایە دەرەوە.
بەم کارتە سوورە، جەیمس لەگەڵ دوو یاریزانی دیکە بوونە خاوەنی زۆرترین کارتی سووری ئەم وەرزە، هەرچەندە ریس تەنیا بەشداری لە 422 خولەکدا کردووە، کە دەکاتە پێنج یاری تەواو.
یڤێس بیسۆما، یاریزانی تۆتنهام و ئۆلی مەکبێرنی، یاریزانی شێفیڵد یونایتد، دوو جار کارتی سووریان لەم وەرزە وەرگرتبوو، ئێستا جەیمس یەکسانیان بووەوە.
Despite playing just 422 minutes, no player has received more red cards in the Premier League this season than Reece James (2). 🛁#BHACHE
— Squawka Live (@Squawka_Live) May 15, 2024
جیا لە جەیمس، هەریەکە لە کۆنۆر گالاگێر و مالۆ گوستۆش کارتی سووریان لەم وەرزەدا وەرگرتووە.
جەیمس ناتوانێت بەشداری لە دوا یاری چێڵسی بەرامبەر بۆرنمس بکات و رەنگە ئەم کاریگەری بکاتە سەر بەشداریکردنی لە یەکەم یاری وەرزی داهاتووی لەگەڵ بلوز.
