ڤان پێرسی بۆ ئەرکە نوێیەکەی ئامادەیە
یاریگا –
رۆبن ڤان پێرسی بۆ وەرگرتنی ئەرکی راهێنەرایەتی یانەی هێرنڤینی هۆڵەندی ئامادەیە.
ماڵپەڕی فووت مێرکاتۆ بڵاویکردووەتەوە، ڤان پێرسی هۆڵەندی رەزامەندی دەربڕیووە بۆ ئەوەی ئەرکی راهێنەرایەتی یانەی هێرنڤینی لە ئەستۆ بگرێت.
Robin van Persie proche d’obtenir son tout premier poste d’entraîneur https://t.co/0JogCMyRdP
— Foot Mercato (@footmercato) April 25, 2024
هێرنڤین لەم وەرزەی خولی هۆڵەندی بە کۆکردنەوەی 36 خاڵ لە 30 یاریدا پلەی دەیەمی ریزبەندی خولەکەی گرتووە، لە کۆتایی وەرزەکەش کیس ڤان فۆندێرێن دەست لە پۆستی راهێنەرایەتی یانەکە دەکێشێتەوە.
رۆبن لە ساڵی 2021 تا ئێستا راهێنەرایەتی تیپی لاوان و تیپی ژێر 18 ساڵانی یانەی فاینۆردی کردووە، بەڵام هێرنڤین دەبێت بە یەکەم یانەی سەرەکی کە ئەستێرە هۆڵەندییەکە راهێنەرایەتی بکات.
ئەفسانە هۆڵەندییەکە لە کاروانی وەرزشیدا درێسی یانەکانی ئارسیناڵ، مانچێستەر یونایتد، فەنەرباچێ و فاینۆردی پۆشیووە، لە ساڵی 2019 بەشێوەیەکی یەکجاری وازی لە یاریکردن هێنا.
