یاریگا –
راپۆرتە رۆژنامەوانیەكانی ئیسپانیا دوایین پێشهاتەكانیان دەربارەی داهاتووی چاڤی هێرناندێز راهێنەری یانەی بارسێلۆنای ئیسپانی ئاشكرا كرد.
لە ماوەی رابردوودا چاڤی رایگەیاند، لە كۆتایی وەرزدا ریزەكانی بارسێلۆنا جێدەهێڵێت.
چاوەڕوان دەكرێت رۆژی 10ی ئەم مانگە پاریس سانجێرمان لە یاریگای خۆیدا میوانداری بارسێلۆنا بكات، لە میانی یاری چوونی قۆناخی چارەكی كۆتایی خولی یانە پاڵەوانەكانی ئەوروپا.
🎲 𝐃𝐈𝐌𝐀𝐑𝐓𝐒 𝐃𝐄 𝐉𝐎𝐂𝐒 🎲
📸 Reconstrueix aquestes imatges icòniques dels últims duels europeus contra el PSG
— FC Barcelona (@FCBarcelona_cat) April 2, 2024
بەپێی زانیارییەكانی رۆژنامەی سپۆرت، یانەی ئەیاكس ئەمستەردامی هۆڵەندی دەیەوێت بۆ وەرزی نوێ چاڤی هێرناندێز وەك راهێنەری نوێی یانەكەی دەستنیشان بكات.
ئاماژە بەوەشكراوە، ئیدارەی یانە هۆڵەندیەكە پێیان وایە چاڤی گونجاوترین راهێنەرە كە لەگەڵ پڕۆژەی یانەكە بۆ وەرزی داهاتوو بگونجێت، بەتایبەت كە بەشدارێكردووە لە گەشەپێدانی لاوەكانی بارسێلۆنا و دەرفەتی یاریكردنی پێداون، كە ئەمەش هەمان سیاسەتی یاریكردنی ئەیاكسە.
لە راپۆرتەكەی سپۆرتیشدا هاتووە، پلانی چاڤی ئەوەیە لە دوای رۆیشتنی لە بارسێلۆنا ماوەی ساڵێك پشوو وەربگرێت.
Ajax do not have a coach for next season and one of the names being considered is Xavi Hernández. From Amsterdam they do not deny it, although there are more candidates on their list. Xavi's idea is to go an entire year without coaching.
— @sport pic.twitter.com/mcXWU8qmGd
— Barça Universal (@BarcaUniversal) April 2, 2024
ئەیاكس بە كۆكردنەوەی 44 خاڵ لە ریزبەندی پێجەمی خولی نایابی هۆڵەندی دێت و بە جیاوازی 31 خاڵ لە دوای ئایندهۆڤنی پێشەنگەوە دێت.
