یاریگا –
راپۆرتە رۆژنامەوانیەكان ئاشكرایانكرد، لە رێساكانی فیدراسیۆنی تۆپی پێی ئیسپانیادا هاتووە بەهۆی ئەو كارەی لە یاری رابردووی یانەكەیان كردیان، دەبێت هەریەك لە رۆبێرت لیڤاندۆڤسكی و جواو كانسێلۆ بۆ دوو یاری سڕ بكرێن.
لە یاری پێشووی بارسێلۆنا بەرامبەر لاس پاڵماس لیڤاندۆڤسكی و كانسێلۆ كارتی زەردیان وەرگرت و بەوەش ژمارەی كارتەكانیان بۆ پێنج كارتی زەرد بەرز بوویەوە و لە یاری داهاتووی یانەكەیان ناتوانن بەشداری بكەن.
واو كانسيلو 😎#LaLigaHighlights pic.twitter.com/IpDuzuvMf5
— نادي برشلونة (@fcbarcelona_ara) March 30, 2024
بەپێی زانیارییەكانی رۆژنامەی ماركا، لە یاسای فیدراسیۆنی تۆپی پێی ئیسپانیادا هاتووە، ئەگەر یاریزانێك بە ئەنقەست كارتی زەرد وەربگرێت، بۆ ئەوەی لە یارییەكدا بەشداری نەكات، ئەوا پێوویستە بۆ دوو یاری سڕ بكرێن و سزا بدرێن.
لە راپۆرتەكەشدا هاتووە، لیڤاندۆڤسكی و كانسێلۆ بە ئەنقەست وایانكرد كارتی زەرد وەربگرن، بۆیە دەبێت بە پێی یاسا سزا بدرێن و بۆ دوو یاری رابگیرێن.
چاوەڕوان دەكرێت رۆژی 21ی ئەم مانگە ریال مەدرید لە یاریگای سانتیاگۆ بێرنابیۆی تایبەت بە خۆی میوانداری بارسێلۆنا بكات.
