یاریگا –
بایەرن میونخ لە کاتێکی هەستیارد هەواڵی ناخۆشی پێگەیشت لە بارەی پێکرانی یاریزانەکانیەوە. چ ئەوانەی لە پشووە نێودەوڵەتیەکان یان ئەوانەیشی لە میونخ ماونەتەوە.
پێگەی فەرمی باڤارییەکان بڵاوی کردەوە کە ساشا بۆی یاریزانی فەرەنسی یانەکەیان لە مووسلکەی پشت ڕانیدا پێکانی بۆ درووست بووە و بەو هۆیەوە چەند هەفتەیەک دوور دەکەوێتەوە.
ℹ️ Sacha Boey erleidet Muskelverletzung im Training.
Gute Besserung, Sacha! 🙏
— FC Bayern München (@FCBayern) March 20, 2024
هەر دوای ئەوە بایەرن لە راگەیەندراوێکی دیکەدا کە زیاتر خەمهێنەر بوو بۆ هاندەرانی، پێکرانی مانویڵ نۆیەری راگەیاند کە ئەمەیان لە راهێنانەکانی ئامادەکاریی هەڵبژاردەی ئەڵمانیا تووشی هاتووە کاتی خۆ ئامادەکردن بۆ دوو یاریی دۆستانەیان بەرامبەر فەرەنسا و هۆڵەندا.
Muskelfaserriss bei Manuel Neuer: Der Kapitän des FC Bayern fällt für die anstehenden Länderspiele aus und wird nach München zurückkehren.
Alle Infos: https://t.co/CQeOKTzC0w
— FC Bayern München (@FCBayern) March 20, 2024
پێکانەکەی نۆیەری گۆڵپارێز، لە بن رانیدایە و پێویستی بە پشوودانی زۆر هەیە تا چاکبوونەوەی یەکجارەکیی.
ئەو دوو هەواڵە لە کاتێکدایە هەر ئەمڕۆ میدیاکان بڵاویان کردەوە کە ئالفۆنسۆ دەیڤز بڕیاری داوە پەیوەندی بە ڕیاڵ مەدریدەوە بکات سەرەڕای هەوڵ و تەقەلاکانی بایەرن بۆ نوێکردنەوەی گرێبەستەکەی.
زلهێزەکەی ئەڵمانیا هیواکانی کزن بۆ وەرگرتنەوەی پێشەنگی بۆندسلیگا لە لیڤەرکوزنی سەرسەخت. لە چامپیۆنزلیگیش رووبەڕووی ئارسیناڵ بوونەتەوە لە یاری چوونی قۆناخی چارەکی کۆتایی چامپیۆنلزیگ.
