یاریگا –
لە چڕتر بوونەوەی هەوڵەکانی بایەرن میونخ بۆ نوێکردنەوەی گرێبەستەکەی و، ریاڵ مەدریدیش بۆ پەلکێشکردنی بۆ قەڵای سپی، ئالفۆنسۆ دەیڤز بڕیاری خۆی دا.
چەند رۆژێکە یانە ئەڵمانییەکە لە گفتوگۆی بەردەوامدایە بۆ هێشتنەوەی ئەستێرە کەنەدیەکە و نوێکردنەوەی گرێبەستەکەی کە هاوینی ٢٠٢٥ بەسەر دەچێت. بەڵام وا دایارە بێ ئاکام دەبن و چیتر سەرکەوتوو نابن لە بەرامبەر مەیلی ئالفۆنسۆ بۆ پەیوەندی کردن بە ریاڵەوە.
بە گوێرەی زانیاری نوێ لە diaro asی ئیسپانی، دەیڤز بڕیاری خۆی داوە بچێتە ڕیزی شاهانەکان و چاوەڕوانی ئێستای ئەو یاریزانە ئەوەیە هەردوو یانە بگەنە ڕێککەوتنێک لە بارەی بڕی گواستنەوەکەی. ئەوە سەرباری هەموو هەوڵێکی بایەرن بۆ قایلکردنی بە مانەوە.
🚨 Alphonso Davies has decided to join Real Madrid. He's now waiting for the clubs to reach an agreement on the transfer fee.
(Source: @diarioas) pic.twitter.com/5JKGZAjBmb
— Transfer News Live (@DeadlineDayLive) March 20, 2024
مێرەنگی ماوەیەکی زۆرە و هەر لە دوای رۆیشتنی مارسێلۆوە وێڵن بە دوای گواستنەوەی شوێنگرەوەیەک بۆ بەرگری لای چەپ کە لا ئاست خواستەکانی مەدریدیەکان بێت بە جۆرێک جگە لە توانا بەرگریکارییەکەی، هێزێکی زۆریش بە هێڵی هێرشبەری ببەخشێت. ئەو تایبەتمەندیانەی کە ئەستێرە ئەسمەرەکەی باڤارییەکاندا هەیە.
ئالفۆنسۆ دەیڤز لەم وەرزەی بۆندسلیگادا بەشداری لە 20 یاری كردووە و توانیویەتی گۆڵێك بكات و سێ گۆڵیش درووست بكات.
