یاریگا –
لوكا مۆدریچ ئەستێرەی هەڵبژاردەی كرواتیا و یانەی ریال مەدریدی ئیسپانی پێی وایە یانەكەی لە پێش هەموو یانەكانی دیكەوەیە.
گرێبەستەكەی مۆدریچ لەگەڵ ریال مەدرید لە هاوینی ئەمساڵدا بەسەردەچێت و تا ئێستا داهاتووی بە مانەوە یا رۆیشتن یەكلا نەكردووەتەوە.
🗣 Luka Modrić: "There is no better one, Real Madrid is top, top. The rest, you know, is a step below… Hala Madrid!" pic.twitter.com/Z14zSOjYV4
— Madrid Xtra (@MadridXtra) March 18, 2024
لە لێدوانێكی رۆژنامەوانیدا كە رۆژنامەی موندۆ دیپۆرتیڤۆ بڵاویكردووەتەوە، پرسیار لە داهاتووی كرا و لە وەڵامدا مۆدریچ گوتی:
نازانم.
دەربارەی تیروپشكی چامپیۆنزلیگ گوتی:
پەیوەندییەكی تایبەت لە نێوان ئێمە و ئەو پاڵەوانیەتیەدا هەیە، هەر بۆیە ئێمە زۆرترین نازناوی ئەو پاڵەوانیەتیەمان بەدەستهێناوە.
بەردەوام بوو گوتیشی:
هیچ تیمێك لە ریال مەدرید گەورەتر نییە، ئێمە لە لوتكەداین و تیمەكانی دیكەش هەنگاوێك لە دواوەن.
لەم وەرزەی لالیگادا لوكا مۆدریچ بەشداری لە 24 یاریدا كردووە و توانیویەتی دوو گۆڵ بكات و چوار گۆڵیش درووست بكات.
