ساری دەست لە راهێنەرایەتی یانەی لازیۆ دەکێشێتەوە
یاریگا –
ماوریزیۆ ساری دەست لە راهێنەرایەتی یانەی لازیۆ دەکێشێتەوە و ئەمڕۆ نامەی وازهێنانەکەی پێشکەشی یانەکەی کردووە.
فابریزیۆ رۆمانۆ رۆژنامەنووسی ئیتاڵی ئاشکرایکردووە، دوای نیوەڕۆی ئەمڕۆ ماوریزیۆ ساری بڕیاری دەستلەکارکێشانەوەی لە ئەرکی راهێنەرایەتی یانەی لازیۆ بە بەرپرسانی یانەکەی راگەیاندووە و بڕیاریداوە واز لە راهێنەرایەتی یانەکە بهێنێت.
🚨🔵 Maurizio Sarri has just resigned as Lazio manager — he has informed the club early this afternoon. pic.twitter.com/ihFH952DY3
— Fabrizio Romano (@FabrizioRomano) March 12, 2024
ساری (65 ساڵان) هاوینی 2021 ئەرکی راهێنەرایەتی یانەی لازیۆی ئیتاڵی گرتە دەست و لەکۆی 137 یاریدا 65 بردنەوە و 42 دۆڕان و 30 یەکسانبوونی بۆ یانەکەی پایتەختی ئیتاڵیا بەدەستهێنا، کە پێشتر ساری راهێنەرایەتی یانەکانی ناپۆلی و یۆڤێنتۆس و چێڵسی و هێلاس ڤیرۆنا و ئیمپۆلی کردووە.
لازیۆ لەم وەرزە بە کۆکردنەوەی 40 خاڵ لە پلەی نۆیەمی سێریا ئەی دێت و تیپەکەی ساری لە دوایین سێ یاریی بەرامبەر ئۆدینێزی و ئەیسی میلان و فیۆرێنتینا تووشی شکست بوو.
