یاریگا-
ناسر خلێفی، سەرۆکی یانەی پاریس سانجێرمان، دانی بە گواستنەوەی کیلیان ئێمباپێی فەرەنسی، هێرشبەری یانه‌كه‌ی بۆ یانەی ریال مەدرید ناوە.
رۆژنامەی ئاسی ئیسپانی بڵاویكردۆته‌وه، چیرۆکی ئێمباپێ و ریال مەدرید گەیشتووەتە قۆناخی کۆتایی، یانه‌كه رێککەوتنەکەی لەگەڵ هێرشبەرە فەرەنسییەکە تەواوکردووه.
رۆژنامە ئیسپانییەکە ئاماژەی بەوە کردووە، ناسر خلێفی لەم هەفتەیەدا چەند کۆبوونەوەیه‌كی لەگەڵ ئه‌و كه‌سانه ئەنجامداوە کە متمانە له نێوانیان هه‌یه، لە یەکێک له كۆبوونه‌وه‌كان دانیپێداناوه کە ئێمباپێ 100% گرێبەستی لەگەڵ یانەی ڕیال مەدرید کردووە.
🐢 El culebrón Mbappé llega a su fin
🔐Al Khelaïfi ha reconocido en conversaciones privadas que el acuerdo con el club blanco está cerrado
🗣️ “Mbappé lo tiene hecho con el Madrid al 100%”
✍️ Una información que coincide con la adelantada por el diario Marca pic.twitter.com/2VVufEsEj3
— Diario AS (@diarioas) February 19, 2024
ئاس روونیشكردۆته‌وه ،ئەو زانیاریانەی ده‌ستیكه‌وتووه لەگەڵ ئه‌و هه‌واڵه‌ی ئەمڕۆی ڕۆژنامەی مارکا کە رایگه‌یاندبوو،ئێمباپێ تا هاوینی 2029 گرێبەستی لەگەڵ ریاڵ مەدرید واژۆ کردووه، یەکدەگرێتەوە.
ئاس دووپاتیكرده‌وه، هاندەرانی ریال مەدرید دەتوانن هەناسەیەکی ئارام هەڵمژن، چونکە گرێبەستی ئێمباپێ تەواو بووە، تەنها پێویستی به‌کاتە بۆ ئەوەی بە فەرمی ڕایبگەیەنن.
