یاریگا –
دوای سەرکەوتنە یەک لە دوای یەکەکانی مانچستەر لە چەند هەفتەی ڕابردوودا و زیندوکردنەوەی هیواکانیان بۆ گەیشتن بە چامپیۆنزلیگی وەرزی داهاتوو، خودی ئێریک تین هاگ داخوازییەکی ئاراستەی کارگێڕی یانەکەی کردووە بۆ گواستنەوەی لاوتارۆ مارتینێز لە هاوینی دادێ.
زانیارییەکان کە لە Fichajes سەرچاوەی گرتووە و میدیکانی دیکەیش بڵاویان کردووەتەوە، باس لەوە دەکات مانچستەر ئەوەی لە توانایدا بێت دەبێت بیکات بۆ قایلکردنی ئینتەر بە دەستبەرداربوون لە هێرشبەرەکەیان کە هاوینی ٢٠٢٦ گرێبەستەکەی بەسەر دەچێت.
🚨 Manchester United manager Erik Ten Hag has personally requested the signing of Inter Milan and Argentina striker Lautaro Martínez. 🇦🇷
(Source: Fichajes) pic.twitter.com/e39wfSM17I
— Transfer News Live (@DeadlineDayLive) February 13, 2024
هەر لە درێژەی هەواڵەکاندا باس لەو ئاڵنگارییەیش کراوە کە ڕاهێنەرە هۆڵەندییەکەی مان یو دووچاری دەبێت لە باری سەرکەوتنی گواستنەوەکەی لاوتارۆ، بەو پێیەی لە هێڵی پێشەوە لە ئێستادا راسموس هۆیلۆند ڕێگەی گۆڵکردنی دۆزیەتەوە پاس ئەو دەستپێکە خراپەی کە هەیبوو.
گۆڵکارە ئەرجەنتینیەکەی نێرازۆری لەم وەرزەی سێریائەی زۆر نایاب دەرکەوتووەتەوە و تا ئێستا ٢٢ گۆڵ و پێنج ئەسیستی هەیە و کۆڵەکەی سەرەکی یانە ئیتاڵییەکەیە.
