یاریگا –
هازارد چاوی بەو کوڕە کەوتەوە کە 11 ساڵ لەمەوبەر لە یارییەکدا لێیدا.
لە ساڵی 2013 چێڵسی لە قۆناخی پێشکۆتایی جامی خولی ئینگڵتەڕا بووە میوانی سوانزی سیتی، یارییەکە 2-0 لە بەرژەوەندی سوانزی کۆتایی هات.
بەڵام یارییەکە رووداوێکی چاوەڕواننەکراوی بەخۆیەوە بینی کاتێک لە خولەکی 80 ئێدین هازاردی بەلجیکی هێرشی کردە سەر منداڵێکی تۆپ هێنەرەوە و ئازارێکی زۆری پێ گەیاند.
بەهۆی ئەو رووداوە ئەستێرە بەلجیکییەکە بەکارتی سوور کرایە دەرەوە و سێ یاریش سڕکرا. بەڵام دواتر لەگەڵ منداڵەکە داوای لێبوردنیان لە یەکتر کرد و بابەتەکە چارەسەرکرا.
هەر بەهۆی ئەو رووداوە هازارد لەگەڵ ئەو کوڕە پەیوەندییەکی هاوڕێیەتی درووستکرد، پاش تێپەڕینی 11 ساڵ بەسەر ئەو رووداوە، دوێنێ چوارشەممە جارێکی دیکە چاویان بە یەکتر کەوتەوە.
A nice thing about retirement is catching up with old friends. You have come a long in way in 11 years my friend @charliem0rgan @auvodka x @hazardeden10 🤝 pic.twitter.com/bPpp0LEefS
— Eden Hazard (@hazardeden10) January 24, 2024
ئێدین لە هەژماری فەرمی خۆی وێنەیەکی خۆی و چاڕلی مۆرگنی (کوڕەکە) بڵاوکردووەتەوە و نوسوییەتی “یەکێک لە خۆشییەکانی خانەنشینبوون ئەوەیە چاوت بە هاوڕێ دێرینەکانت دەکەوێتەوە، بە درێژایی 11 ساڵی رابردوو رێگەیەکی دوور و درێژت بڕیووە هاوڕێکەم.
هازارد لە مانگی ئۆکتۆبەری ساڵی رابردوو لە تەمەنی 33 ساڵی بەشێوەیەکی یەکجاری وازی لە یاریکردن هێنا.
