زیرەکی دەستکرد، پاڵێوراوی سەرەکی پاڵەوانیەتی جامی نەتەوەکانی ئاسیای دەست نیشان کرد

یاریگا –

زیرەکی دەستکرد پێی وایە هەڵبژاردەی ژاپۆن سەرەکیترین پاڵێوراوە تاوەکوو ناسناوەکە بەدەست بهێنێت و هەروەها ‌هەڵبژاردەی عێراقیش چانسی بردنەوەی ناسناوەکەی هەیە.

جامی نەتەوەکانی ئاسیا لە کۆتایی هاتنی قۆناغی کۆمەڵەکان نزیک بووەتەوە، ​​تا ئێستاش کۆمەڵێک ئەنجامی سەرسوڕهێنەر و چاوەڕواننەکراو لە رووبەڕووبوونەوەکان دەرکەوتووە و بێگومان بەشێک لە پاڵێوراوانیش بە ئەنجامەکانیان هاندەرانی تۆپی پێیان سەرسام کردووە.

گرنگترین ئەنجامی جامەکە دەتوانین بە شکستی چاوەڕواننەکراوی ژاپۆن بەرامبەر عێراق هەژمار بکرێت کە بە ئەنجامی 2-1 لە رکابەری سەرەکی پاڵەوانیەتیەکەی بردەوە. بەڵام هێشتا AI پێی وایە سامورایەکان پاڵێوراوی سەرەکی بەدەست هێنانی جامەکەن.

بەو پێیەی ئامێرەکان هەستیان نییە، بڕیارماندا چەند پرسیارێکی مشتومڕاوی لە زیرەکی دەستکرد بکەین و وەڵامی پرسیارەکان وەرگرینەوە.

ئەو پرسیارەی لێرەدا دەیخەینەڕوو، لە ئێستادا مشتومڕێکی گەورەی لای هاندەرانی تۆپی پێ لە ئاسیا دروستکردووە، کە بریتییە لە “کام هەڵبژاردە نزیکترە لە بردنەوەی جامی نەتەوەکانی ئاسیای 2023؟”

تێبینی: (هەموو وەڵامەکانمان، بە تەواوی وەک ئەوەی AI ئاماژەی پێکردووە، دانراوەتەوە).

وەڵام: بە پشتبەستن بە ئەنجامی قۆناغی کۆمەڵەکان و تا ئێستا، ئەم تیپانەی خوارەوە لە ریزی ئەگەری سەرەکیترین پاڵێوراوەکان دادەنرێن:

ژاپۆن: براوەی چوار جار پاڵەوانی ئاسیا، پێکهاتەیەکی بەهێز و لاویان هەیە کە کۆمەڵێک یاریزانی بەتوانای وەک واتارا ئیندۆ و ریۆتا مۆریکاوا و جۆناسان کیتا لەخۆدەگرێت.

کۆریای باشوور: لە ریزبەندی جیهانی فیفا لە ریزبەندی سێیەمی هەڵبژاردەکانی ئاسیادایە، تیپێکی بەهێز و هێرشبەری زۆر باشیان هەیە کە کۆمەڵێک یاریزانی نایابی وەک سۆن هیونگ مین و کیم جۆنگ وو لەخۆدەگرێت.

ئێران: کە لە ریزبەندی جیهانی فیفادا لە پلەی دووەمی ئاسیادایە، تیپێکی بەهێزە رەنگە بتوانێت جامەکە بەدەست بهێنێت کە یاریزانەپیشەگەرەکانی وەک سەردار ئەزمون و مەهدی تارمی لەپێکهاتەکەیدا هەیە.

پرسیار: گەر پێنج لە باشترین هەڵبژاردەکان کە لە بردنەوەی ناسناوەکە نزیکن دەستنیشان بکەیت، کام لە تیپەکان هەڵدەبژێری؟

وەڵام: ئەوە پرسیارێکی قورسە! بەڵام بە پشتبەستن بە مێژوو دەڵێم ژاپۆن و کۆریای باشوور و ئێران و ئوسترالیا و عێراق دەتوانن رکابەری بەهێز بن بۆ بردنەوەی ناسناوەکە. بەڵام تۆپی پێ پێشبینی نەکراوە!

پرسیار: کام یەک لە یاریزانەکانی هەڵبژاردەی عێراق تاوەکوو ئێستا لەم پاڵەوانتییەدا باشترین ئاستی پێشکەش کردووە؟

وەڵام: چەند یاریزانێکی سەرنجڕاکێش لە هەڵبژاردەی عێراقدا هەن! یاریزانانی وەک موهەنەد عەلی، عەلی عەدنان و بەشار رەسەن, بەشدارییەکی بەرچاویان کردووە و بەهۆی بەهرە و لێهاتوویی خۆیان لە یاریگادا ناسێنراون. بە دڵنیاییەوە جێپەنجەی خۆیان لە تۆپی پێی عێراقدا تۆمار کردووە!

هەڵبژاردەی عێراق لە قۆناغی کۆمەڵەکان ئاستێکی بەرچاوی تاوەکوو ئێستا پێشكەش کردووە و توانیویەتی لە ئەنجامی دوو یاریدا شەش خاڵ کۆ بکاتەوە و پێنج گۆڵیش تۆمار بکات و خۆی بگەیەنێتە قۆناغی شازدەی پاڵەوانەتییەکە.