ئیتیفاق سێ مانگە تامی بردنەوەی نەکردووە و مووچە نوێیەکەی جێراردیش هێندەی کڵۆپە!
یاریگا –
ڕەنگە بڕی مووچەی گرێبەستە نوێیەکەی جێرارد وەک ڕاهێنەری ئیتیفاق، بەشێکی ئەو ڕایە بسەلمێنێت کە دەوترێت خولی سعودیە زیاتر پارە دەدرێت وەک لە خولە بەهێزەکانی ئەوروپا.
ستیڤن لە چەند ڕۆژی ڕابردوودا گرێبەستێکی نوێی لەگەڵ یانە سعودیەکە کرد و، ئێستا میدیاکان بڕی مووچەکەیان ئاشکرا کردووە کە هێندەی ئەوەی یۆرگن کڵۆپە لە لیڤەرپوڵی وەردەگرێت.
بەگوێرەی زانیاریەکانی ڕۆژنامەی مەیڵی بەریتانی، جێرارد بۆ هەر ساڵێکی گرێبەستەکەی کە تا ٢٠٢٧ بە ئیتیفاقەوە دەیبەستێتەوە، ساڵانە ١٢ ملیۆن و ٢٠٠ هەزار پاوەند وەردەگرێت. کە دەیکات بە چوارەم بەرزترین مووچە لەسەر ئاسی جیهاندا.
Steven Gerrard's bumper deal at Al-Ettifaq sees him paid the same as Liverpool boss Jurgen Klopp – despite his Saudi side going nearly THREE MONTHS without a win! 🤯https://t.co/wuKdZLbgHb
— Mail Sport (@MailSport) January 20, 2024
ئەو سەرچاوە ئەوەشی خستووەتە ڕوو کە ڕاهێنەرێکی وەک كڵۆپ و لەگەڵ یەکێک لە یانە زلهێزەکانی ئەوروپا، ئەویش هەر ١٥ ملیۆن و زیادەیەک وەردەگرێت و تۆزێک لە جێرارد زیاترە.
هاوکات لە لیستی بەرزترین مووچەی ڕاهێنەراندا، پێپ گواردیۆلە دووەمە بە مووچەی ١٩ ملیۆن و، دیگۆ سیمیۆنی یەکەمە بە ساڵانەی ٣٠ ملیۆن.
بەو مووچە زۆرە، ئەفسانەکەی لیڤەرپول کە پێشتر ڕاهێنەری یانەکانی ڕەنجەرزی سکۆلەندی و ئەستۆن ڤیلا بووە، لە ئێستادا خاوەنی بەرزترین مووچەیە لەسەر ئاستی سەرجەم ڕاهێنەرە ئینگلیزیەکاندا.
بۆ زانین، کۆتا بردنەوەی ئیتیفاق بە ڕاهێنەرایەتی جێرارد، دەگەڕێتەوە بۆ ٢٨ی ئۆکتۆبەری سالێ ڕابردوو.
