یاریگا

شای گیڤن وازهێنانی لە یاری نێودەوڵەتی ڕاگەیاند

شای گیڤن گۆڵپارێزی مێژویی هەڵبژاردەی ئێرلەندا وازهێنانی لە یاریکردنی نێودەوڵەتی ڕاگەیاند.

گیڤنی ٣٦ ساڵ زۆرترین یاری بۆ وڵاتەکەی ئەنجامداوە لە مێژووی ئێرلەندا بە ١٣٦ یاری . لە لیدوانی وازهێنانەکەیدا وتی ” وازهێنانم بڕیارێکی زۆر سەخت بوو چونکە ١٦ ساڵی ژیانم بەخشییە وڵاتەکەم و تەواو لەگەڵ یاریزانان و ستافی هەڵبژاردەکە ڕاهاتبووم”.

گیڤنی گۆڵپارێزی یانەی ئەستۆن ڤیلا وتیشی “تا ماوم هاندەرانی ئێرلەندا دەبم و هیوای باشترینیان بۆ دەخوازم”.

جۆن دێلانێی سەرۆکی یەکێتی تۆپی پێی ئێرلەنداش سەبارەت بە گیڤن وتی “ئەو بەدڵنیاییەوە یەکێکە لە باشترین یاریزانەکانی مێژووی وڵاتەکەمان وخزمەتەکانی لەیاد ناکرێت”.

لەگەڵ ئەوەشدا گیڤن  ڕاهێنەری هەڵبژاردەکەی ئاگادارکردۆتەوە کە هەر کات پێویستیان پێی بوو ئامادەیە بگەڕێتەوە.

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close