چارەنووسی تیاگۆ ئالکانتارا یەکلایی دەبێتەوە

یاریگا –

تیاگۆ ئالکانتارای ئیسپانی تا کۆتایی ئەم وەرزە لە یانەی لیڤەرپوول دەمیێنێتەوە.

رۆژنامەنووسی باوەڕپێکراو، رودی گالێتی بڵاویکردووەتەوە، ئەگەری رۆیشتنی تیاگۆ ئالکانتارا، لە لیڤەرپوول لە مێرکایۆی زستانە زۆر لاوازە و لەم زستانە تیاگۆ ریزەکانی رێدز جێناهێڵیت، ئەمەش لە کاتێکدایە ناوی بە بارسێلۆنا بەستراوەتەوە.

بەپێی زانیارییەکانی گالێتی، ناوەڕاستکارە تەمەن 32 ساڵانییەکە تا کۆتایی ئەم وەرزە لە یانەکەی دەمێنێتەوە، لە هاوینیش وەک یاریزانێکی ئازاد ماڵئاوایی لە لیڤەرپوول دەکات.

🚨📉 The chances of Thiago #Alcantara leaving #Liverpool in January, as it stands, are very low.

↩️ In all likelihood, the 🇪🇦 player should remain at #LFC until the end of the season and then say goodbye as a free agent: evolving situation. 🐓⚽ #Transfers pic.twitter.com/CyvWxIuhEr

— Rudy Galetti (@RudyGaletti) December 29, 2023

تیاگۆ بەهۆی پێکان لەم وەرزە تا ئێستا هیچ یارییەکی بۆ یانەکەی نەکردووە، بەپێی دوایین لێدوانەکانی یۆرگن کڵۆپی راهێنەری یانەکە، ناوبراو لە مانگی یەکی ساڵی نوێ دەگەڕێتەوە بۆ یاریکردن.

ئالکانتارا لە هاوینی 2020 بە بڕی 22 ملیۆن یۆرۆ لە بایرن میونشنەوە پەیوەندی بە لیڤەرپوول کرد، بەڵام زۆربەی کاتەکان بەهۆی پێکان لە یاریکردن دابڕاوە.

تیاگۆ بە درێسی لیڤەرپوول لە سەرجەم پاڵەوانێتییەکاندا 97 یاری کردووە، 3 گۆڵی کردووە و 6 گۆڵیشی درووستکردووە. 1 نازناوی جامی یەکێتی ئینگڵتەڕا، 1 نازناوی جامی کاراباو و نازناوێکی جامی قەڵغانی لەگەڵ یانەکەی بەدەستهێناوە.

🔴 Thiago Alcantara, likely to return in January as Jurgen Klopp confirms: “Thiago is actually in a very good moment”.

“We just have to make sure we don't use him too early”. pic.twitter.com/XDFrYELFvp

— Fabrizio Romano (@FabrizioRomano) December 29, 2023