یاریگا –
پرێمەرلیگ بەفەرمی جارێکی دیکە پڕۆژەی سوپەرلیگی رەتکردەوە و لە بەیاننامەیەکیدا رایدەگەیەنێت :’بەهەموو شێوەیەک ئەم پڕۆژەیە رەتدەکەینەوە’.
ئەنجوومەنی پرێمەرلیگ لە بەیاننامەیەکیدا رایگەیاندووە :’کۆمەڵەی خولی نایابی ئینگلیزی ئاگاداری بڕیاری ئەمڕۆی دادگای دادی ئەوروپیین، کە لە بارەی کەیسی نێوان کۆمپانیای سوپەرلیگی ئەوروپی و فیفا و یوێفا دراوە. ئەمە بڕیارێکی گرنگە و لە ئێستاوە خوێندنەوە بۆ کاریگەرییەکانی لەسەر یاری تۆپی پێ دەکات’.
Premier League Statement
League notes today’s judgment in European Court of Justice case involving "European Super League" and continues to reject any such concept
➡️ https://t.co/xEkMWcAtGm pic.twitter.com/yvONBkfXYK
— Premier League (@premierleague) December 21, 2023
لە بەیاننامەکەدا هاتووە :’بڕیارەکە رەزامەندی لەسەر بەڕێوەچوونی خولی بەناو سوپەرلیگی ئەوروپا نییە. پرێمەرلیگ بە هەموو شێوەیەک چەمکی لەمشێوەیە رەتدەکاتەوە. هاندەران چەقێکی گرنگی یارییەکەن و ئەوان بەڕوونی دژایەتی خۆیان بۆ پاڵەوانیەتییە ‘جوداخوازییەکە’ دەربڕیوە، کە پەیوەندی نێوان تۆپی پێی ناوخۆیی و ئەوروپی ناهێڵێت’.
‘پرێمەرلیگ پابەندی خۆی بۆ بنەماکانی رکابەری کراوە دووپاتدەکاتەوە، ئەم بنەمایانە پاڵپشتی لە سەرکەوتنی خولەکانی ناوخۆیی و نێودەوڵەتی دەکات’
هەروەها کۆمەڵەی پرێمەرلیگ بڵاویکردووەتەوە ‘تۆپی پێی لەڕێگەی توانای رکابەرێتی بەرەوپێشدەچێت، ئەم رکابەریەش لەڕێگەی دابەزین و سەرکەوتنی یانەکان دروست دەبێت. سەرکەوتنی ساڵانە لەڕێگەی شایستەیی و لێوەشاوەیی خولەکانی ناوخۆیی دەبێت. ئەمانە هەمووی بەرهەمی رکابەری و نەریتی تایبەتی خولەکانی ناوخۆییە، کە هەموو یارییەکانی کۆتایی هەفتەیەک بەڕێوەدەچن’.
هەروەها لە بەیاننامەکەشدا هاتووە ‘ئەم بنەمایانە لە پەیماننامەی پرێمەرلیگ پەسند کراون کە لە یۆنیۆ/حوزەیرانی 2022 بڵاوکراوەتەوە. ئامانجی پەیماننامەکە باشترکردنی هێزی بەکۆمەڵ و توانستی رکابەرییە لەسەر خولی ناوخۆیی، ئەمەش لە بەرژەوەندی تۆپی پێیە’.
https://www.facebook.com/Yariga/posts/pfbid02PgboMmAT7145yvSeULx48cbXAzgiPkwLzyeKRLifPojPSk9nGwbodstJbongw5UJl
کۆمەڵەکەی خولی نایابی ئینگلتەرا راشیگەیاندووە :’لەوەتەی ساڵی 2021 پرێمەرلیگ، لەگەڵ دامەزراوەکانی دیکەی تۆپی پێ، رێساکانی و بەڕێوەبەردنی یارییەکەی تۆکمە کردووە. پرێمەرلیگ لە گفتوگۆی کراوە و بونیادنەر لەگەڵ لایەنە پەیوەندیدارەکان بەردەوام دەبێت. تاوەکو باشترین رێگە بۆ پاراستن باڵانسی خولەکانی ناوخۆیی و ئەوروپی بدۆزینەوە’.
https://www.facebook.com/Yariga/videos/230584533323728
