یاریگا –
لیۆنێل مێسی، ئەستێرەی ئەرجەنتینی دیارییەک بە واژۆی خۆیەوە پێشکەشی رافایێل نادال، ئەفسانەی تێنسی سەر زەوی ئیسپانی دەکات.
ئەکادیمیای نادال، وێنەیەکی دیارییەکەی لە پلاتفۆرمی ئێکس بڵاوکردووەتەوە، ساڵێک دوای بردنەوە مێژووییەکەی هەڵبژاردەی ئەرجەنتین بەرامبەر هەڵبژاردەی فەرەنسا و بەدەستخستنی نازناوی جامی جیهانی.
مێسی لەگەڵ دیارییەکە نامەیەکی بۆ رافا ناردووە و نووسیویەتی
بۆ رافا، لەگەڵ خۆشەویستی و سەرسامییەکی زۆرم – Para Rafa, con mucho cariño admiracion.
“𝙋𝙖𝙧𝙖 𝙍𝙖𝙛𝙖, 𝙘𝙤𝙣 𝙢𝙪𝙘𝙝𝙤 𝙘𝙖𝙧𝙞ñ𝙤 𝙮 𝙖𝙙𝙢𝙞𝙧𝙖𝙘𝙞ó𝙣”
Un año después de ganar el Mundial, Leo Messi ha regalado esta camiseta 🇦🇷tan especial a @RafaelNadal. ¡Ya la tenemos expuesta en el Rafa Nadal Museum!
VAMOS‼️ pic.twitter.com/cf9tvnRWRK
— Rafa Nadal Academy by Movistar (@rnadalacademy) December 18, 2023
نادال دیارییەکەی لە ئەکادیمیاکەی نمایشکردووە، کە دەکەوێتە شاری ماناکۆر و یارمەتی بەهرەمەندان دەدات، تاوەکو رێگەی گەیشتن بە جیهانیبوونی تێنسی سەر زەوی بدۆزنەوە.
هەرچەندە نادال، هاندەرێکی سەرسەختی ریال مەدریدە، بەڵام سەرسامی خۆی بۆ مێسی نەشاردووەتەوە، تەنانەت بۆ بردنەوەی خەڵاتی لاورێس بۆ باشترین وەرزشوانی ساڵ، نادال پاڵپشتی لە مێسی کرد.
رافا نادال خاوەنی 22 خەڵاتی گراند سلامە و خاوەنی ریکۆردی بردنەوەی زۆرترین نازناوی رۆلان گارۆسە.
مێسی خەریکی بەسەربردنی پشووێکی دوور لە ژاوەژاوە لەگەڵ خێزانەکەی و تاوەکو ناوەڕاستی مانگی داهاتوو، ناگەڕێتەوە مەشقەکانی ئینتەر مەیامی.
