یاریگا
جولیان لۆپێتێگی ئیسپانی دەبێت بە شوێنگرەوەی ئێریک تێن هاخی هۆڵەندی.
شەوی رابردوو لە یارییەکانی گەڕی شەشەمی قۆناخی کۆمەڵەکانی چامپیۆنزلیگ، مانچێستەر یونایتد لە یاریگای ئۆڵدترافۆرد میوانداری بایرن میونشنی کرد، یارییەکەشی 1-0 دۆڕاند، بە پلەی چوارەمی کۆمەڵەکەی ماڵئاوایی لە پاڵەوانێتییەکە کرد.
دەرکرانی شەیتانە سوورەکان لە قۆناخی کۆمەڵەکانی چامپیۆنزلیگ هێرش و رەخنەکانی بۆسەر تێن هاخی راهێنەری یانەکە تۆختر کردووەتەوە، بەوپێیەی یانەکە بە دۆخێکی یەکجار خراپدا تێدەپەڕێت، ئەمەش وایکردووە باس لە دوورخستنەوەی راهێنەرە هۆڵەندییەکە بکرێت.
ماڵپەڕی رێلێڤۆی ئیسپانی بڵاویکردووەتەوە، جولیان لۆپێتێگی ئیسپانی و راهێنەری پێشووی وۆڵڤز، پاڵێوراوی سەرەکییە بۆ ئەوەی لە شوێنی تێن هاخ ببێت بە راهێنەری نوێی یانەی مانچێستەر یونایتد.
Lopetegui coge fuerza para sustituir a Ten Hag en el Manchester United.
📌 El técnico español rechazó 18 millones anuales de Arabia y es muy valorado por los dirigentes del club inglés.@AlfredoMatillaG 🤝 @Santos_Relevo https://t.co/TEgeSCXEoA
— Relevo (@relevo) December 13, 2023
جولیان لە ناوەڕاستی مانگی نۆڤێمبەر گرێبەستێکی یانەی ئیتیحادی سعودی بە بەهای مووچەی ساڵانەی 18 ملیۆن یۆرۆ رەتکردەوە، ئامادە نەبوو پەیوەندی بە خولی رۆشنی سعودی بکات.
ئامانجی راهێنەرە ئیسپانییەکە گەڕانەوەیە بۆ پرێمەرلیگ، دەیەوێت لەو خولە درێژە بە کارەکەی بدات. ناهەمواری دۆخی تێن هاخ لەگەڵ مانچێستەر دەرفەتێکی زێڕینە تا جولیان جڵەوی ژووری خۆگۆڕینی مانچێستەر بگرێتە دەست.
جولیان لە وەرزی 2022-2023 راهێنەرایەتی وۆڵڤزی ئینگلیزی کرد، یانەکەی نزیکبوو لە دابەزین بۆ چامپیۆنشیپ، بەڵام لە کۆتاییدا لە پلەی سێزدەیەمی ریزبەندی خولەکە کۆتاییان بە وەرزەکە هێنا. لە هاوینیشدا راهێنەرەکەیان لە پۆستەکەی دوورخستەوە.
🚨 Former Real Madrid manager Julen Lopetegui is very well placed to be the next coach of Manchester United. He is very much admired by the club.
(Source: @relevo) pic.twitter.com/Y0odrwsRf0
— Transfer News Live (@DeadlineDayLive) December 13, 2023
