مارتنێز بارسێلۆنا رەتدەکاتەوە

یاریگا–
لاوتارۆ مارتینێز، هێرشبەری ئارجێنتینایی یانەی ئینتەر میلانی ئیتاڵیا رەتیدەکاتەوە پەیوەندی بە بارسێلۆنا بکات.

گۆڵکارەکەی نێراتزۆری لە چاوپێکەوتنێکدا لەگەڵ کالچۆ میرکاتۆ سەبارەت بە گواستنەوەی بۆ ریزەکانی بارسێلۆنا گووتی ” تەنها بیر لە ئینتەر میلان دەکەمەوە و دەمەوێت ساڵانێکی زیاتر لەگەل ئەو یانەیە بم، هەموو یاریزانێک ئارەزووی یاریکردن لەگەڵ مێسی دەکات، بەڵام من ئەو دەرفەتەم لەگەڵ هەڵبژاردەکەم هەیە “.

مارتینێز بە شوێنگرەوەی لویس سوارێزی هێرشبەری ئۆروگوایی بلاوگرانا ناو دەبرێت، بەڵام ئەو یاریزانە نایەوێت یانەکەی جێبێڵێت.