یاریگا –
یارییەکانی ئەم وەرزەی خولی پلەیەکی بەڕازیلی کۆتاییان هات و پالمێراس بە جیاوازیی دوو خاڵ لەگەڵ گریمیۆی دووەم بووە پاڵەوانی خولەکە و بۆیەکەمجاریش لە مێژوودا سانتۆس دابەزی.
پالمێراس بە سەرکردایەتی پاولینهۆ نازناوی ئەم وەرزەی خولی پلەیەکی بەڕازیلی بەدەستهێنا و بە کۆکردنەوەی 70 خاڵ پلەی یەکەمی بەدەستهێنا، کە یازدەمین جارە ئەو یانەیە نازناوی خولەکە بباتەوە و خاوەنی ریکۆردی زۆرترین نازناوە لە مێژووی خولەکەدا، کە دوو ساڵە لەسەریەک نازناوەکە دەباتەوە.
De fato é campeão! 🏆#ViradaHeroica#AvantiPalestra pic.twitter.com/vaMooE2aCo
— SE Palmeiras (@Palmeiras) December 7, 2023
لە گەڕی کۆتایی خولەکە رووداوێکی مێژوویی روویدا، سانتۆس دوای دۆڕانی لەدوایین گەڕی خولەکە بۆیەکەمجار لە مێژووی 111 ساڵەی یانەکەدا دابەزییە ریزی یانە پلەدووی خولەکە، بە کۆکردنەوەی 43 خاڵ پلەی حەڤدەمی بەدەستهێنا.
🚨 CENAS DE GUERRA EM SANTOS! 🚨 Um ônibus foi incendiado após o rebaixamento do Peixe no #Brasileirão2023! pic.twitter.com/o3oWujuLE3
— TNT Sports BR (@TNTSportsBR) December 7, 2023
هاندەرانی یانە بەڕازیلییەکە لە داخی دابەزینی یانەکەیان بۆ خولی پلەدوو دوای دۆڕانە مێژووییەکەیان رژانە سەر شەقامەکان و توندوتیژییان بەکارهێنا، لە چەند شوێنێکی شارەکەیان رژانە سەر شەقامەکان و گرژی و ئاڵۆزی دروستبوو.
