یاریگا –
بەر لە یاری داهاتووی بارسێلۆنا، چاڤی هێرناندێزی راهێنەری یانەکە هەواڵێکی خۆشی پێگەیشت.
سبەی یەکشەممە کاتژمێر 18:15 بە کاتی کوردستان، لە یارییەکانی گەڕی 13ی لالیگا، بارسێلۆنا لە یاریگای مۆنجویک میوانداری دیپۆرتیڤۆ ئالاڤێس دەکات.
رۆژنامەی مۆندۆ دیپۆرتیڤۆ بڵاویکردووەتەوە، ئێستا پێدری ئامادەیە بۆ ئەوەی بەشێوەی سەرەکی و بۆ ماوەی 90 خولەکی تەواو بەشداری یارییەکی بارسێلۆنا بکات.
😨 Los números del Barça sin Pedri
✍️ @ap_angelperez https://t.co/nmlzoMWoHA
— Mundo Deportivo (@mundodeportivo) November 11, 2023
ئەستێرە ئیسپانییەکە لە مانگی ئابەوە بەهۆی پێکان لە یاریکردن دابڕابوو، لە دوو یاری رابردووی تیپەکەی بەرامبەر بە ریال سۆسیداد و شاختار بەشێوەی یەدەگ بەشداری کردبوو.
بەڵام بە گوێرەی رۆژنامە کاتالۆنییەکە، پێدری بەرامبەر دیپۆرتیڤۆ ئالاڤێس دەگەڕێتەوە پێکهاتەی سەرەکی، بۆ یەکەمجار لەدوای 3 مانگ دابڕان، دەتوانێت 90 خولەکی تەواو یاری بۆ تیپەکەی بکات.
ژۆری خۆگۆڕینی بارسا و چاڤی هێرناندێزی راهێنەری یانەکەش دڵخۆش و گەشبینین بە بەڕانەوەی پێدری، تیپەکە بڕوای تەواوی هەیە کە گەڕانەوەی ئەو یاریزانە وزەیەکی زۆر بە تیپەکە دەبەخشێتەوە.
هاوکات بەرامبەر ئالاڤێس، گاڤی بەهۆی کەڵەکەبوونی کارەتاکانی و دی یۆنگیش بەهۆی پێکان یاری ناکان، بۆیە گەڕانەوەی پێدری لە کاتێکی گونجاودایە و دەبێتە فریادڕەس بۆ تیپەکەی.
💪 100% focused on #BarçaAlavés pic.twitter.com/PXJ5iM47sG
— FC Barcelona (@FCBarcelona) November 11, 2023
