یاریگا –
راپۆرتە رۆژنامەوانیەكانی ئینگلتەرا ئاشكرایانكرد یانەی چێڵسی ئینگلیزی پێش یارییەكەیان بەرامبەر ئارسیناڵ رێزلێنانێكیان بۆ ئێدین هازاردی بەلجیكی و ئەستێرەی پێشووی یانەكەیان ئامادەكردووە.
وا بڕیارە ئەمڕۆ شەممە كاتژمێر 19:30بە كاتی كوردستان چێڵسی لە یاریگای ستامفۆرد بریجی تایبەت بە خۆی میوانداری ئارسیناڵ بكات، لە میانی یارییەكانی هەفتەی نۆیەمی خولی ئینگلیزیدا.
Chelsea fans will display their Eden Hazard banner ahead of Saturday's match against Arsenal, following the Belgian's retirement last week ❤️ pic.twitter.com/0xO1iLFYiq
— B/R Football (@brfootball) October 20, 2023
بەپێی زانیاریەكانی رۆژنامەی دەیڵی مەیڵ هاندەرانی بلووز ئەمڕۆ لە رێگەی بانەرێكی گەورەوە سوپاسگوزاری خۆیان بۆ هازارد دەردەبڕن لە دوای بڕیاری وازهێنانی لە یاریكردن.
ئەستێرەكەی پێشووی بلووز لەگەڵ ئەو یانەیە 7 وەرز یاری كردووە و توانیویەتی 110 گۆڵ بكات لە 352 یاریدا و بە یەكێك لە باشترین یاریزانەكانی پرێمەرلیگ ناوی دەبرێت.
ماڵئاوا هازاردی تۆقێنەر.. جوانترین گۆڵەکانی ئەفسانەی بەلجیکا
