یاریگا –
پاپو گۆمزێز، بەهۆی بەکارهێنانی مادەی وزەبەخش بۆ ماوەی 2 ساڵ سڕکرا.
پێگەی رێلێڤۆ بڵاویکردووەتەوە، بەهۆی بەکارهێنانی مادەی وزەبەخش، پاپو گۆمێزی ئەرجەنتینی و یاریزانی پێشووی یانەی سێڤییا بۆ ماوەی دوو ساڵ سڕکرا.
بەپێی پێگە ئیسپانییەکە، یاریزانەکە لە مانگی تشرینی دووەم و چەند رۆژێک بەرلە دەستپێکی جامی جیهانی 2022 لە سێڤییا پشکنینی بۆکراوە، ئەنجامی پشکنینەکانیش پۆزەتیڤ دەرچوون.
#Exclusiva ‼️ El Papu Gómez dio positivo con el Sevilla antes del Mundial.
📌 El jugador acaba de recibir la sanción: dos años de suspensión.@samuelsonsilva 🤝 @alonsoriveror
➕ℹ️: https://t.co/bBL1Ujtmki pic.twitter.com/kncaKyoGBf
— Relevo (@relevo) October 20, 2023
هەر بۆیە ئەم سزا دوو ساڵییە دەگەڕێتەوە بۆ ئەنجامی پشکنینەکانی ساڵی رابردوو، یاریزانەکە لەم هەفتەیە سزاکەی بەسەردا سەپێنرا.
گۆمێز لەوبارەیەوە گوتوویەتی، شەوێک دۆخی باش نەبووە، شەربەرێکی لە یەکێک لە منداڵەکانی وەرگرتووە و خواردویەتییەوە، کە مادەی قەدەخەکراوی تیادابووە و رێگەپێدراو نییە، دەبوو لانیکەم پێش ئەوەی بیخواتەوە ئاگادار بدات.
بەڵام دواتر یاریزانەکە مۆڵەتی لە تیپەکەی وەرگرتووە بۆ ئەوەی بەشداری جامی جیهانی بکات، بەمەیش سزاکەی دواکەوتووە.
🚨 BREAKING: World Cup winner Papu Gómez has been banned for doping — reports @relevo.
🇦🇷 Two year ban for the Argentine who recently signed with Italian side Monza as free agent after contract terminated at Sevilla. pic.twitter.com/XKNsgGhXlY
— Fabrizio Romano (@FabrizioRomano) October 20, 2023
سێڤییا ئاگاداری بابەتەکە بووە، بەو هۆکارەش گرێبەستی یاریزانەکەی هەڵوەشاندەوە، لە مێرکاتۆی هاوینە هیچ یانەیەک ئامادەنەبوو یاریزانەکە بگوازێتەوە لەبەر مەترسی سزادرانی ناوبراو.
بەڵام دواجار یانەی مۆنزای ئیتاڵی بڕیاریدا گرێبەستی لەگەڵدا واژۆ بکات، بەڵام تەنیا دوای سێ هەفتە لە گواستنەوەی یاریزانەکە، گۆمێز سزایەکەی دووساڵەی بۆ دەرچوو.
بەپێی یاسا نێودەوڵەتییەکان هەر یاریزانێک بارودۆخی تێکبچێت لەژێر رێنمایی پزیشکی بۆی هەیە جۆرێکی مادەی وزەبەخشی دیاریکراو بەکاربهێنێت، بەڵام گۆمێز بێ گوێدانە بۆچوونی پزیشک و پرسکردن بەکەس ئەو مادەیەی بەکارهێناوە.
