یاریگا –
رۆمیلو لوكاكو، هێرشبەری هەڵبژاردەی بەلجیكا و یانەی رۆمای ئیتاڵی گەورەترین یانەی رۆژهەڵاتی ناوەڕاست دەستنیشان دەكات.
لە گواستنەوەكانی هاوینەدا لوكاكو بە شێوەی خواستن لە ریزەكانی چێڵسی ئینگلیزیەوە پەیوەندی بە رۆماوە كرد.
دوای ئەوەی بە تەواوی لە پلانەكانی ماوریسیۆ پۆچێتینۆی راهێنەری بلووز دەرچوو لە گواستنەوەكانی هاوینەدا هیلالی سعودی بە جدی هەوڵی گواستنەوەی هێرشبەرەكەی دەدا، دواتر بە شێوەی خواستن پەیوەندی بە تیمەكەی مۆرینیۆوە كرد.
🇸🇦 Romelu Lukaku on Al Hilal bid in July: “I’m proud of their interest but after initial talks I wasn’t convinced about joining Al Hilal”.
“Al Hilal is the biggest club in Middle East, Saudi League will become one of the biggest in the world but I wasn’t ready to leave Europe”. pic.twitter.com/id6lkv07K1
— Fabrizio Romano (@FabrizioRomano) October 11, 2023
لە لێدوانەكانید لوكاكو ووتی: شانازیە بۆ من كە هیلال گرنگی بە گواستنەوەی منی داوە بۆ ریزەكانیان، بەڵام دوای گفتوگۆ سەرەتاییەكان نەگەیشتمە ئەو باوەڕەی پەیوەندی بەو یانەیەوە بكەم.
لە درێژەی قسەكانیدا ووتی: یانەی هیلال گەورەترین یانەی رۆژهەڵاتی ناوەڕاستە، خولی سعودیەش دەبێتە یەکێک لە گەورەترین خولەکانی جیهان، بەڵام من ئامادە نەبووم ئەوروپا بەجێبهێڵم.
سەبارەت بە مامەڵەكردنی یانەكان لەگەڵیدا لە گواستنەوەكانی هاوینەدا ووتی: لەکاتی گونجاودا قسە دەکەم، بەڵام ئەگەر لەراستیدا بڵێم هاوینی رابردوو چۆن رۆیشت، هەمووان تووشی شۆک دەبن، کاتێک هەبوو کە پێم وابوورڕەنگە بتەقمەوە.
هێرشبەرە بەلجیكیەكە ئاستێكی باش لەگەڵ گورگەكانی رۆما پێشكەش دەكات و بەجۆرێك لە هەشت یاریدا توانیویەتی حەوت گۆڵ بكات.
