یاریگا –
لویس ئێنریكێ، راهێنەری یانەی پاریس سان جێرمانی فەڕەنسی ستایشی ئاستی ئەشرەف حەكیمی ئەستێرەی مەغریبی یانەكەی دەكات.
شەوی رابردوو پاریس سان جێرمان لە یاریگای خۆیدا میوانداری مارسیلیای كرد و یاریەكەشی بە ئەنجامی چوار گۆڵی بێ وەڵام لێ بردەوە، لە میانی یارییەكانی هەفتەی شەشەمی لیگ وەن.
گۆڵەكانی پاریس لەلایەن ئەشرەف حەكیمی لە خولەكی 8 ، كۆلۆ موانی لە خولەكی 37 و گۆنچالۆ رامۆس لە خولەكەكانی 47 و 89 تۆمار كران.
لە دوای یارییەكە ئێنریكێ ووتی: حەکیمی یاریزانێکی کوالیتی بەرزە، زۆر مەشق دەکات لەسەر تۆپی وەستاو، هەروەها بە لێدانە بەهێزەکانی جیا دەکرێتەوە.
Luis Enrique: Hakimi is not just a winger, he is a midfielder and forward
🇲🇦🔥
pic.twitter.com/ROVbwK9NkX— Morocco Zone 🇲🇦 (@Morocco_Zone) September 24, 2023
بەردەوام بوو ووتی: ئەشرەف لە پێش هەر یاریزانێكی دیكەیە كە لەو شوێنەی ئەودا پێشكەشی دەكات، ئەو تەنیا بەرگریكاری راست نیە، بەڵكو یاریزانێكی ناوەڕاست و هێرشبەریشە، لە یارییەكانی پێشوودا ئەوەی سەلماندووە.
کاتێک پرسیاری ئەوەی لێکرا کە ئایا ئەشرەف حەکیمی پایەیەکی سەرەکیە لە تیپەکەدا، ئێنریکێ لە وەڵامدا وتی: بۆ من هەموو یاریزانەکان پایەی گرنگن، جا یاریزانی سەرەکی بێت، چ یاریزانی یەدەگ، یان ئەوانەی بەشداری یارییەکەیان نەکردووە.
