یاریگا –
بڕیارە لە 29ی ئەم مانگە ڤیدیۆگەیمی EA Sports FC 24 بکەوێتە بازاڕەکان، لە سەرتاسەری جیهان گەیمەران بە تامەزرۆییەوە چاوەڕێی بڵاوبوونەوەی یارییەکەن.
یارییەکە پێشتر بە ناوی FIFA بڵاودەکرایەوە، بەڵام ئەمساڵ یەکەمجارە کۆمپانیای EA بە تەنیا و بەبێ هاوبەشی لەگەڵ فیفا، ڤیدیۆگەیمەکە بڵاودەکاتەوە، هەر بەو هۆیەش ناوەکەی گۆڕدراوە بۆ EA Sports FC.
هاوشێوەی ساڵانی رابردوو بەر لە بڵاوبوونەوەی یارییەکە، کۆمپانیاکە ئاستی یاریزانەکانی لە یارییەکەدا بڵاوکردەوە.
ڤیدیۆگەیمی EA Sports FC 24 بەهێزترین پێکهاتەی پرێمەرلیگی بەمشێوەیە دیاریکردووە:
گۆڵپارێز: ئالیسۆن بەیکەر
بەرگریکاران: ڤیرجیل ڤان دایک، روبن دیاز، ئاڕنۆڵد، رۆبێرتسن
ناوەڕاستکاران: رۆدری، کاسێمیرۆ، کیڤن دی بروین
هێرشبەران: بێرناردۆ سیلڤا، محەمەد سەڵاح، ئێرلینگ هالاند
These are the best players in the Premier League, according to ̶F̶I̶F̶A̶ EA FC 😄 pic.twitter.com/pjKlTCjrdd
— Transfermarkt.co.uk (@TMuk_news) September 13, 2023
بە گوێرەی بەڵێینەکانی کۆمپانیای EA, ڤیدیۆگەیمی ئێف سی سپۆرتس، داهاتووی داهێنان لە دامەزراوەییکردنی تۆپی پێ دەبێت. هەروەها مۆڵەتی 19 هەزار یاریزان، 700 یانە و هەڵبژاردە و 30 خولیان بەدەستهێناوە.
خولەکانی پرێمەرلیگ، چامپیۆنزلیگ، یۆرۆپالیگ، چامپیۆنزلیگی ئافرەتان، سێریا ئەی، لالیگا، ئێم ئێڵ ئێس، لیگ وەن، خولی رۆشن، بۆندسلیگا و دەیان خولی دیکە مۆڵەتیان بە کۆمپانیای EA داوە.
جیا لەمە، کۆمپانیای EA سپۆنسەری تەواوی خول و پاڵەوانیەتییەکانی ئیسپانیایە، لۆگۆی لەسەر درێسی ناوبژیوانان دەردەکەوێت. هەروەها لە کاتی یارییەکانیشدا، گرافیکەکانی EA لە تەواوی یارگادا دەبیندرێت.
The World’s Best are in The World’s Game.
Pre-order #FC24 Ultimate Edition and play 7 days early: https://t.co/CgjKPdqnRo pic.twitter.com/fCoyhzwDLy
— EA SPORTS FC (@EASPORTSFC) September 6, 2023
