فێلیکس ئامادەنەبوو درێسی ژمارە 10ـی بارسێلۆنا لەبەر بکات
یاریگا
دوای چوونی لیۆنێل مێسی لە ریزەکانی یانەی بارسێلۆنای ئیسپانیا، درێسی ژمارە 10 پێشکەشی ئانسۆ فاتی کرا، بەڵام ئەو یاریزانەش ئەم هاوینە بلاوگرانای جێهێشت.
دوای نزیکەی 27 ساڵ ئێستا درێسە ئەفسوناویەکەی بلاوگرانا بێ خاوەنە، رۆژنامەی سپۆرتی کەتەلۆنی بڵاویکردەوە، بەرپرسانی بارسا دوای گواستنەوەی جواو فێلیکس لە ریزەکانی ئاتلێتیکۆ مەدرید، ئەو درێسەیان پێشکەش کرد.
ڕۆژنامەی سپۆرت ئاماژە بەوە دەکات کە هۆکاری ڕەتکردنەوەی درێسی ژمارە 10 بۆ بابەتی جۆراوجۆر بووە. لەلایەک فیلیکس دەزانێت ئەم درێسە چەندە بۆ هاندەرانی بارسا گرنگە، ئەگەر درێسی ژمارە 10ی بارسا لەبەر بکات، هەمووان لە جیهانی تۆپی پێدا بەراوردی دەکەن لەگەڵ لیۆ مێسی. جواو نەیدەویست هەر کە پەیوەندی بە بارسا کرد ڕووبەڕووی بارگرانییەکی وەها قورس بێتەوە.
بەم هۆیەوە یاریزانە لاوە پۆرتوگالیەکە کە بە شێوەی خواستن پەیوەندی بە بارسێلۆنا کردووە، داوای ژمارە 14 کرد.
