یاریگا –
کریستیانۆ رۆناڵدۆ لە سەرسامکردنی هەوادارانی خۆی ناوەستێت و ئەمجارە لەڕووی جەستەییەوە گەنجاتی خۆی دەسەلمێنێت.
ئەستێرەی نەسری سعودی لە تۆکیۆی پایتەختە ژاپۆن. لە بۆنەیەکدا رۆناڵدۆ رێکلام بۆ بەرهەمێکی تایبەت خۆی بە ناوی سیکس پاد (Sixpad) کرد و هەوادارێکی زۆری ئەستێرە پۆرتوگالییەکە کۆبوونەوە.
Cristiano Ronaldo compared abs with this fan in Japan 😅 pic.twitter.com/E8eofhIyPs
— ESPN UK (@ESPNUK) July 26, 2023
رۆناڵدۆ لە کاتی قسەکردن لەبارەی خاڵە ئەرێنییەکانی بەرهەمەکەی، منداڵێکی ژاپۆنی چووە سەر ستەیج و رکابەری رۆناڵدۆی کرد، ئایا کێ خاوەنی باشترین ماسوولکەی سکە کە بە سکس پاک ناسراوە.
منداڵەکە داوای لە رۆناڵدۆ کرد، سەیری سکس پاکەکانی بکات و هەر وایکرد و زۆر پێی سەرسام بوو.
دواتر رۆناڵدۆ تیشێرتەکەی لابرد و سکس پاکەکانی پیشانی منداڵەکەدا و ئامادەبووان بە سەرسامییەوە چەپڵەیان بۆ ئەستێرە پۆرتوگالییەکە لێدا.
بەرهەمە تایبەتەکەی رۆناڵدۆ بۆ توند کردن و حەساندنەوەی ماسوولکەکانی سک بەکاردەهێدرێت و لە بازاڕەکاندا داواکارییەکی زۆری لەسەرە.
رۆناڵدۆ لەگەڵ نەسر بۆ ئامادەکارییەکانی وەرزی نوێ لە ژاپۆنە و تاوەکو ئێستا دوو یارییان بەرامبەر پاریس سانجێرمان و ئینتەر میلان کردووە و لە هەردوو یارییەکەدا یەکسانبوون.
