یاریگا –
بەم دواییە زۆر هەواڵ لە بارەی قەڵەوبوونی کاسیمێرۆ، ئەستێرەی هێڵی ناوەڕاستی مانچێستەر یونایتد بڵاوبوونەوە.
چەند وێنەیەکی کاسیمێرۆ لە پلاتفۆرمە جیاوازەکان بڵاوبوونەوە و بووە جێگەی گاڵتە پێکردنی بەکارهێنەران. وێنەکان بەشێوەیەک زیادبوونی کێشی لەشی کاسیمێرۆی پیشان دەدات، گومان لە بەشداری کردن لە یارییەکان دەکرا.
کاسیمێرۆ ئێستا لە ویلایەتە یەکگرتووەکانی ئەمریکا و لەگەڵ مانچێستەر یونایتد، بەشداری ئامادەکارییەکانی وەرزی نوێ دەکات.
ئەستێرە بەرازیلییەکە بەشداری لە یاری بەرەبەیانی ئەمڕۆی مانچێستەر یونایتد لە بەرامبەر ئارسیناڵ کرد. شەیتانە سوورەکان بە ئەنجامی 2-0 یارییەکەیان بردەوە.
لە دوای یارییەکە، چەند وێنەیەکی کاسیمێرۆ بڵاوکرانەوە کە درێسەکەی لەبەر کردووەتەوە و ماسوولکەکانی بە جوانی دیارن، تەواوی ئەو هەواڵەنەش بە درۆخرانەوە، کە باسیان لە قەڵەوبوونی لەڕادەبەدەری کاسیمێرۆ دەکرد.
“Casemiro is well out of shape” 🇧🇷🤔#MUFC ✅ pic.twitter.com/5NhbFB7uYG
— ManUtdMania (@ManUtdMania_) July 23, 2023
کاسیمێرۆ لە مێرکاتۆی هاوینەی ساڵی رابردوو بە 70 ملیۆن یۆرۆ، لە ریال مەدریدەوە پەیوەندی بە مانچێستەر یونایتد کرد.
