بڕایتن و چێڵسی بەدوای چارەسەرێک دەگەڕێن
یاریگا –
یانەی چێڵسی لەگەڵ یانەی بڕایتن بەردەوامە لە گفتوگۆکانی بۆ بەدەستهێنانی تواناکانی کایسێدۆ.
رۆژنامەنووس فابریزیۆ رۆمانۆ بڵاویکردووەتەوە، گفتوگۆی نێوان چێڵسی و بڕایتن جوڵەی تێکەوتووەتەوە، بڕایتن داوای بڕە پارەیەکی زیاتر دەکات، بە 70 ملیۆن پاوەندەکەی چێڵسی رازی نییە.
رۆمانۆ ئاماژەی بەوەش کردووە، هەردوو یانە هێشتا لە گفتوگۆدان، بەدوای رێگە چارەیەک دەگەڕێن بۆ یەکلایی کردنەوەی گرێبەستی ناوەڕاستکارە ئیکوادۆرییەکە.
Understand Moisés Caicedo deal is now ‘moving’ between Chelsea and Brighton. The two clubs are discussing amount of fixed fee, £70m not enough. 🚨🔵🇪🇨
Deal will 100% also include add-ons.
Negotiations continue to find a solution as soon as possible. pic.twitter.com/UAsrxVADwq
— Fabrizio Romano (@FabrizioRomano) July 12, 2023
چێڵسی ئارەزوویەکی زۆری هەیە بۆ ئەنجامدانی ئەم گرێبەستە، خودی ماوریسیۆ پۆچەتینۆی راهێنەری یانەکە زۆر سەرسامە بە تواناکانی مۆسیس کایسێدۆی 21 ساڵان و داوای لە بلوز کردووە هەموو هەوڵێک بدەن بۆ بەدەستهێنانی.
یاریزانە لاتینییەکە بە درێسی بڕایتن 53 یاری کردووە، خاوەنی 3 گۆڵ و 2 ئەسیستە، وەرزی رابردوو ئاستێکی سەرسوڕهێنەری پێشکەشکرد، لە سەرکەوتنەکانی تیپەکەیدا رۆڵێکی باڵای گێڕا.
