بازاڕی گواستنه‌وه‌سعودیەگرنگترین
گواستنەوەی ئەستێرەکان بۆ سعودیە.. کێ هاتووە، کێ دێت و کێ رەتیکردووەتەوە؟
یاریگا –
خولی رۆشنی سعودی، سەرنجی گەورەی میدیاکانی لە مێرکاتۆی هاوینەدا راکێشاوە و خەریکە پۆل پۆل ئەستێرەکان بەسەر یانەکان دابەش دەکات.
پلانەکەی سعودیە نەوەستاوە و ئێستا گفتوگۆکان لەگەڵ چەندین ئەستێرەی ئەوروپی بەردەوامن، بەشێکیان رەزامەندیان دەربڕیوە و بەشێکی دیکەش لە گفتوگۆدان، هەندێکیشیان پڕۆسەکەیان رەتکردووەتەوە.
تۆڕی وەرزشی یاریگا تەواوی گواستنەوەکان و گواستنەوە چاوەڕوانکراوەکان لەم بابەتەدا دەخاتەڕوو.
کێن ئەوانەی واژۆیان کردووە؟
- کەریم بێنزێما، لە ریال مەدریدەوە بە گرێبەستی پەیوەندی بە ئیتیحاد کردووە.
- ئێنگۆلۆ کانتێ، لە چێڵسییەوە بە گرێبەستی ئازاد پەیوەندی بە ئیتیحاد کردووە.
- ئێدوارد مێندی، لە چێڵسییەوە بە بڕی 18.5 ملیۆن یۆرۆ پەیوەندی بە ئەهلی کردووە.
- کالیدۆ کۆلیبالی، لە چێڵسییەوە بە بڕی 23 ملیۆن یۆرۆ پەیوەندی بە هیلال کردووە.
- روبن نێڤێش، لە وۆڵڤزەوە بە بڕی 55 ملیۆن یۆرۆ پەیوەندی بە هیلال کردووە.
کێن ئەو ئەستێرانەی رەزامەندیان دەربڕیوە؟
- رۆبێرتۆ فیرمینۆ، لەلایەن ئەهلی داواکراوە و گرێبەستی لەگەڵ لیڤەرپوول بەسەرچووە.
- مارسێلۆ بڕۆزۆڤیچ، ئەستێرەی ئینتەر میلان لە لایەن نەسرەوە داوا کراوە.
کێن ئەو ئەستێرانەی لە گفتوگۆدان؟
- حەکیم زیاش، ئەستێرەی چێڵسی خەریکی گفتوگۆیە لەگەڵ نەسر.
- ئانتوان گریزمان، نەسر ئۆفەرێکی پێشکەش بە هێرشبەری ئاتلێتیکۆ مەدرید کردووە، تاوەکو ئێستا گفتوگۆکان بەردەوامن.
- رۆمێلۆ لوکاکو، هیلال سوورە لەسەر گواستنەوەی تانکەکەی بەلجیکا.
- ریاز مەحرز، لە لایەن هیلال داواکراوە و ئێستا گفتوگۆکان لەگەڵ مانچێستەر سیتی بەردەوامن.
- بێرناردۆ سیلڤا، هیلال داوای ئەستێرەکەی مانچێستەر سیتی کردووە.
- ویلفرێد زاها، نەسر لە نزیکەوە چاودێری دۆخی ئەستێرەی کریستال پاڵاس دەکات.
- سۆڵ نیگوێز، نەسر گفتوگۆی لەگەڵ ئەستێرەکەی ئاتلێتیکۆ مەدرید دەستپێکردووە.
- نێیمار دا سلیڤا، ئەستێرەی پاریس سانجێرمان لەلایەن هیلالەوە داواکراوە.
کێن ئەو ئەستێرانەی گواستنەوەیان رەتکردووەتەوە؟
- لیۆنێل مێسی، ئۆفەرێکی یەک ملیار دۆلاری هیلالی رەتکردەوە.
- لوکا مۆدریچ، ئەستێرەی کرواتی لە ریال مەدرید مایەوە.
- هیۆن سۆن مین، ئەستێرە کۆرییەکە رەتکردەوە تۆتنهام جێبهێڵێت.
- خۆسێ مۆرینیۆ، ئۆفەری چەند یانەیەکی سعودی رەتکردەوە و لە رۆما مایەوە.
