یاریگا –
شاکیل ئۆنیڵ، ئەفسانەی تۆپی باسکەی ئەمریکا پەیامێکی پڕ هەستی بۆ لیۆنێل مێسی، پاڵەوانی جیهان و پاریس سانجێرمان نارد.
شاکیل ئۆنیڵ کە بە شاک بەناوبانگە، پەیامێکی پڕ سۆزی بۆ لیۆنێل مێسی ناردووە و هیوای خواستووە، بەم زووانە لە خولی ئەمریکی بیبینێت. بیگ شاک بە ئینگلیزی و ئیسپانی پەیامەکەی نارد و گوتی
Shaquille O'Neal sends a message to Lionel Messi: "I love you brother, you are the best. Look forward to meeting you, brother. Te amo." pic.twitter.com/8uztZFzHQC
— Luis Mazariegos (@luism8989) May 25, 2023
براکەم خۆشم دەوێیت، تۆ باشترینی، بە پەرۆشم بۆ دیداری تۆ، براکەم، خۆشم دەوێیت
دەمێکە ئینتەر مەیامی کە دەیڤد بێکهام خاوەنیەتی، چاوی بڕیوەتە لیۆنێل مێسی، دوا بە دوای کێشەکانی لەگەڵ پاریس سانجێرمان و بەسەرچوونی گرێبەستەکەی، جارێکی دیکە ئینتەر مەیامی دەستی بە هەوڵەکانی کردووەتەوە. بەڵام ئینتەر بە تەنیا نییە، بەڵکو بارسێلۆنا و هیلالی سعودیش چاودێری دەکەن.
دوای بەسەربردنی دوو وەرز لە خولی فەرەنسا، پێشبینی دەکرێت لە کۆتایی ئەم وەرزە، لیۆنێل مێسی ئاراستەی داهاتووی خۆی دیاری بکات، هەرچەندە خوان لاپۆرتا بەڵێنی گەڕاندنەوەی داوە، بەڵام تاوەکو ئێستا هیچ شتێک یەکلایی نەبووەتەوە.
