سیلڤا: هیوادارم تۆلەی خۆمان لە ریال مەدرید بکەینەوە
یاریگا
بێرناردۆ سیلڤا ناوەڕاستکاری پۆرتوگالی یانەی مانچێستەر سیتی ئینگلیزی متمانەیەکی زۆری بە هاوڕێکانی هەیە بۆ بەدەستهێنانیناسناوی چامپیۆنزلیگ و لەمبارەیەوە دوای یارییەکەی بەرامبەر بایرن میونشن گووتی
تا مانگی شوبات کێشەیەکمان هەبوو، چونکە نەمانتوانی 10-15 سەرکەوتنی لەسەریەک تۆمار بکەینەوە، بەڵام ئێستا هەماهەنگیەکیباشمان هەیە و هەست دەکەین لە هەموو پاڵەوانێتییەکان چانسمان هەیە و شەڕی بۆ دەکەین.
ناوەڕاستکارە پۆرتوگالیەکەی مان سیتی لە وەڵامی پرسیاری ئەوەی ئایا دەتوانن تۆلەی خۆیان لە ریال مەدرید بکەنەوە گووتی
تۆلەکردنەوە لە ڕیاڵ مەدرید؟ هیوادارم! بە دڵنیاییەوە هەموو هەوڵێک دەدەین، ئێمە هەمیشە هەموو هەوڵێکمانداوە تیپەکەمان ئێستا زۆرمتمانەیان بەخۆیە، پێموایە سەردەکەوین.
یانەی مانچێستەر سیتی ئینگلیزی رۆژی 9ـی مانگی داهاتوو لە یاریی چوونی قۆناغی پێشکۆتایی چامپیۆنزلیگ لە دەرەوەی یاریگای خۆیرووبەڕووی یانەی ریال مەدریدی ئیسپانیا دەبێتەوە.
