یاریگا –
پێپ گواردیۆلا، راهێنەری مانچێستەر سیتی ستایشێکی زۆری ئێرلینگ هالاند دەکات و داوای شکاندنی ریکۆردی زیاتری لێدەکات.
هالاند دوو گۆڵی لە یاری رابردووی مانچێستەر سیتی لە بەرامبەر لێستەر سیتی (3-1) کرد، بەمەش ریکۆردەکەی لەگەڵ محەمەد سەڵاح یەکسانکردەوە، هەرچەندە هێشتا چەندین یاری تاوەکو کۆتایی وەرزەکە ماون.
گواردیۆلا لە دوای یارییەکە لەبارەی هالاند گوتی
دەمەوێت هالاند لە شکاندنی ریکۆردەکان بەردەوام بێت، ئەمەش بە واتای تۆمارکردنی گۆڵی زیاتر دێت، چونکە یارمەتیمان دەدات. بەڵام پێم وایە ئەو تەنیا گۆڵی ناوێت، بەڵکو چاوی لە بردنەوەی نازناوەکانیشە. هێشتا هەشت یاری ماوە و هالاند خەریکە هەموو ریکۆردەکان دەشکێنێت.
¡Los mejores momentos de nuestra victoria ante el Leicester! 👊
🔊 ¡Comentarios en español! pic.twitter.com/pF2BgLCpAm
— Manchester City (@ManCityES) April 15, 2023
هالاند لە یەکەم وەرزیدا لە پرێمەرلیگ، 32 گۆڵی کردووە و ئەمە هەمان ژمارەی سەڵاح بوو کە لە وەرزی 2017-2018 تۆماریکرد.
هالاندی تەمەن 22 ساڵان بووە یەکەم یاریزان لە پرێمەرلیگ کە 45 گۆڵ لە وەرزێکدا لە تەواوی پاڵەوانیەتییەکان بکات.
