یاریگا –
خوان لاپۆرتا، سەرۆکی بارسێلۆنا باس لە چوونەدەرەوەی لیۆنێل مێسی لە کامپ نو دەکات.
خوان لاپۆرتا لە لێدوانێکیدا لەگەڵ رۆژنامەی موندۆ دیپۆرتیڤۆ باسی لە رۆیشتنی مێسی کرد، کە لە هاوینی ساڵی 2021 بەهۆی بەسەر چوونی گرێبەستەکەی و نەگەیشتنی بە رێککەوتن، ناچار بوو پەیوەندی بە پاریس سانجێرمانەوە بکات.
لاپۆرتا لەبارەی رێگرییەکانی نوێکردنەوەی گرێبەستی مێسی بە موندۆی گوت
ئەگەر دۆخەکە بگەڕێتەوە، هەمان بڕیار دەدەم، چونکە ناچاربووم ئەو بڕیارە بدەم. هیچ بژاردەیەکی دیکەم لە بەردەمدا نەبوو، زۆریش هەست بە نیگەرانی دەکەم. بەڵام بەردەوام دامەزراوەی بارسێلۆنا لە هەموو شتێک گرنگترە، بۆیە بەرژەوەندی بارسێلۆنام هەڵبژارد.
لاپۆرتا رەتیکردەوە لە شەوی دابەشکردنی خەڵاتەکانی زە بێست قسەی لەگەڵ لیۆ مێسیدا کردبێت و روونیکردەوە، تەنیا بە چاو سەیری یەکترمان دەکرد.
لیۆ مێسی دوای سەرکردایەتیکردنی هەڵبژاردەی ئەرجەنتین و بەدەستهێنانی مۆندیالی قەتەر، خەڵاتی زە بێست، وەک باشترین یاریزانی ساڵی 2022 وەرگرت.
