یاریگا-
لە چەند ڕۆژی ڕابردوودا فیدراسیۆنی نێودەوڵەتی بۆ مێژوو ئامار ( IFFHS) براوەی خەڵاتی باشترینەكانی ساڵی 2022ی ئاشكرا كرد.
فیدراسیۆنی نێودەوڵەتی بۆ مێژوو ئامار ( IFFHS ) باوەڕپێكراوی فیفایە و ساڵانە باشترینەكانی جیهان دەستنیشان دەكات.
براوەكانی ( IFFHS) بۆ ساڵی 2022:
باشترین یاریزان:
لیۆنێل مێسی بە باشترین یاریزانی ساڵی 2022 دەستنیشانكرا بە جیاوازیەكی زۆر لە پێش كیلیان ئیمباپێی دووەمەوە دێت.
ژمارەی خاڵەكان: لیۆنێل مێسی ( 275 خاڵ ) كیلیان ئێمباپێ ( 35 خاڵ ) كەریم بێنزیما ( 30 خاڵ ).
باشترین یاری دروستكەر:
لیۆنێل مێسی، بە باشترین یاریزانی یاری دروستكەر دەستنیشانكرا و لە پلەی دووەمیش لۆكا مۆدریچ دێت.
ژمارەی خاڵەكان: لیۆنێل مێسی ( 170 خاڵ ) لۆكا مۆدریچ ( 115 خاڵ ) كیڤن دی برۆین ( 40 خاڵ).
باشترین ڕاهێنەری هەڵبژاردە:
لیۆنێل سكالۆنی، ڕاهێنەری هەڵبژاردەی ئەرجەنتین بە باشترین ڕاهێنەر لەسەر ئاستی هەڵبژاردەكان دەستنیشانكرا:
ژمارەی خاڵەكان: سكالۆنی ( 240 خاڵ ) دیشامپ ( 45 خاڵ ) وەلید ڕەكراكی ( 30 خاڵ ).
باشترین ڕاهێنەری یانەكان:
كارلۆ ئەنچیلۆتی، ڕاهێنەری یانەی ڕیاڵ مەدرید بە باشترین ڕاهێنەر لەسەر ئاستی یانەكان دەستنیشانكرا:
ژمارەی خاڵەكان: ئەنچیلۆتی ( 245 خاڵ ) گوادردیۆلا ( 45 خاڵ ) ڕەكراكی ( 40 خاڵ ).
باشترین ناوبژیوان:
سیمۆن مارچیناك، ناوبژیوانی پۆڵەندی بە باشترین ناوبژیوان بۆ ساڵی 2022 دەستنیشانكرا.
ژمارەی خاڵەكان: مارچیناك ( 150 خاڵ ) ئۆرساتۆ ( 65 خاڵ ) تورپین ( 40 خاڵ).
باشترین گۆڵپارێز:
تیبۆ كۆرتوا، گۆڵپارێزی بەلجیكی یانەی ڕیاڵ مەدرید بە باشترین گۆڵپارێز دەستنیشانكرا.
ژمارەی خاڵەكان: كۆرتوا ( 125 خاڵ ) مارتینیز ( 115 خاڵ ) یاسین بۆنۆ ( 55 خاڵ).
باشترین گۆڵكار:
كیلیان ئیمباپێ، بە باشترین گۆڵكار بۆ ساڵی 2022 دەستنیشانكرا.
ژمارەی گۆڵەكان: ئێمباپێ ( 56 گۆڵ ) هالاند ( 46 گۆڵ ) بێرگسۆن 46 گۆڵ ).
باشترین گۆڵكاری هەڵبژاردەكان:
لیۆنێل مێسی، بە باشترین گۆڵكار لەسەر ئاستی هەڵبژاردەكان دەستنیشانكرا:
ژمارەی گۆڵەكان: مێسی ( 22 گۆڵ ) ئێمباپێ ( 21 گۆڵ ) جولیان ئەلڤارێز ( 15 گۆڵ ).
باشترین یاریزانی خوار 20 ساڵ:
جودی بیلینگهام، یاریزانی هەڵبژاردەی ئینگلتەرا بە باشترین یاریزانی خوار 20 ساڵ دەستنیشانكرا:
ژمارەی خاڵەكان: بیلینگهام (115 خاڵ) مۆسیالا ( 95 خاڵ ) ڤاردێۆڵ ( 55خاڵ ).
باشترین پێكهاتە:
گۆڵپارێز: تیبۆ كۆرتوا
هێڵی بەرگری: ئەلفۆنسۆ دەیڤز، ڤێرجیل ڤان دایك ، یۆشكۆ ڤاردیۆڵ ، ئەشرەف حەكیمی
هێڵی ناوەند: لیۆنێل مێسی ، لۆكا مۆدریچ ، كیڤن دی برۆین
هێڵی هێرشبردن: كیلیان ئێمباپێ ، ئیرلینگ هالاند ، كەریم بێنزیما.
