یاریگا-
یانەی بارسێلۆنای ئیسپانی بەیاننامەیەكی فەرمی سەبارەت بە پێكانی سێرجی ڕۆبێرتۆ بڵاوكردەوە.
بارسێلۆنا لە یاریگای سپۆتیفای كامپ نۆوی تایبەت بە خۆی میوانداری ئەتلەتیك بلباوی كرد و یاریەكەشی بە چوار گۆڵی بێ وەڵام لێ بردەوە ، لە میانەی یاریەكانی هەفتەی یانزەیەمی خولی ئیسپانیا.
لە خولەكەكانی كۆتاییدا ڕۆبێرتۆ تووشی پێكان هات و بەهۆیەوە یاریگای جێهێشت و نەیتوانی یاریەكە تەواو بكات.
دوای یاریەكە هەژماری فەڕمی بارسێلۆنا لە تۆڕی كۆمەڵایەتی تویتەر لە بەیاننامەیەكدا ئاشكرایكرد كە ڕۆبێرتۆ تووشی پێكان بووە لە شانی چەپیدا و چاوەڕوان دەكرێت لە یاریەكانی داهاتوودا نەتوانێت بەشداری بكات.
بەو بردنەوەیە یانە كەتەلۆنییەكە كۆی خاڵەكانی بۆ 28 خاڵ بەرزكردەوە و لە پلەی دووەمی ڕیزبەندیەكە دێت بە جیاوازی سێ خاڵ لە مەدریدی پێشەنگەوە دوورە.
