یاریگا–
ماسیمیلیانۆ ئالێگری، راهێنەری یانەی یوڤێنتوس دوای دۆڕانەکەی بەرامبەر ئەیسی میلان هیوای خواست لە یارییەکانی داهاتوو قەرەبوو بکەنەوە.
راهێنەرەکەی خانمە پیرەکە دوای یارییەکە گووتی “ ئێمە تاوەکو ئێستا لە دەرەوەی یاریگای خۆمان هیچ یارییەکمان نەبردووەتەوە و ئەمەش ئامارێکی خراپە، دوو یاری داهاتوومان لە دەرەوەی یاریگای خۆمانە و دەبێت لەو دوو یارییە بردنەوە بەدەست بێنین و هەموو شتێک قەرەبوو بکەینەوە “.
شەوی رابردوو ئەیسی میلان توانی لە گەڕی هەشتەمی سێریائەی لە یاریگای خۆی بە دوو گۆڵی بێ وەڵام لە یوڤێنتوس بباتەوە.
