فەرمی: تیلیس پەیوەندی بە سێڤییاوە كرد

یاریگا-

یانەی سێڤییای ئیسپانی ڕایگەیاند لەگەڵ یانەی مانچێستەر یۆنایتدی ئینگلیزی گەشتنە ڕێككەوتن سەبارەت بە گواستنەوەی ئەلێكس تیلیس.

هەژماری فەڕمی سێڤییا لە تۆڕی كۆمەڵایەتی تویتەر پەیوەندیكردنی تێلیسی بە ڕیزەكانی یانەكەیەوە ڕاگەیاند بە خواستن و تا كۆتایی وەرز.

فابریزیۆ رۆمانۆ ئاشكرایكرد یانە ئیسپانیەكە بڕی دوو ملیۆن یۆرۆ وەك بەشێك لە موچەكەی دەداتە یاریزانەكە.

تێلێس وەرزی رابردوو لەگەڵ مانچستەر یونایتد بەشداری لە 26 یاریدا کردووە لە سەرجەم پاڵەوانێتییەکاندا، لەو ماوەیەدا گۆڵێکی لە چامپیۆنزلیگ تۆمارکرد و 4 گۆڵی دیکەشی دروستكرد.

تێلێس پێشتر یاری بۆ یانەکانی یۆڤینتۆدی و گریمیۆ کردووە لە بەرازیل، هەروەها گالاتاسەرای توركی و ئینتەرمیلانی ئیتاڵی و پۆرتۆی پورتوگالی.