یاریگا-
پیپ گواردیۆلای ئیسپانی و ڕاهێنەری یانەی مانچێستەر سیتی ئینگلیزی دووپاتیكردەوە كە ڕافائیل نادال باشترین وەرزشكاری مێژووی ئیسپانیایە.
لە لێدوانیدا كە ڕادیۆی كادینا كۆپی بڵاویكردووەتەوە پیپ ووتی: بەبێ هیچ گومانێك نادال باشترین وەرزشكاری مێژووی ئیسپانیایە ، ئەو شتە مەحاڵەكان ئەنجام دەدات.
سەبارە بە تواناكانی بارسێلۆنا بۆ گواستنەوەی لیڤاندۆڤسكی پیپ ووتی: ئێمە باسی لیڤاندۆڤسكی دەكەین ، ئەو دەتوانێت لە هەموو شوێنێك خۆی بگونجێنێت ، بەڵام نازانم كە ئایا بارودۆخی دارایی بارسێلۆنا ڕێگەیان پێدەدات یاریزانەكە بگوازنەوە یان بایرن دەستبەرداری دەبێت یان نا.
هەروەها ووتیشی: ئەو بارودۆخە داراییە زۆر قورسە كە ڕووبەڕوویان بووەتەوە ناتوانن گرێبەستی گەورە واژۆ بكەن ، بەڵام ئەوانە كاتین و هەمووان دەبێت ئەوە قبوڵ بكەن.
