یاریگا-
سێرجی گنابری ئەڵمانی و ئەستێرەی یانەی بایرن میونشنی هەمان وڵات خواستی خۆی بۆ پەیوەندیكردنی بە یانەی ڕیاڵ مەدریدی ئیسپانیەوە دەربڕی.
گرێبەستەكەی گنابری لەگەڵ بایرن میونشن لە هاوینی ساڵی 2023 بەسەردەچێت و تا ئێستا گرێبەستەكەی نوێ نەكردووەتەوە.
لە لێدوانیدا بۆ ڕۆژنامەی ئاسی ئیسپانی ئەستێرە ئەڵمانیەكە ووتی: بابەتی نوێكردنەوەی گرێبەستەكەم لەگەڵ بایرن پەیوەندی بە پارەوە نیە ، كەڕاگەیاندنەكان باسی دەكەن ، بەڵكو بابەتی پێزانینە لە نێوان خۆم و یانەكەدا.
لەوەڵامی ئەوپرسیارەدا چ شوێنێكە لە مەدرید كە دەتەوێت سەردانی بكەیت؟ ووتی: ڕاستەوخۆ دەچمە سانتیاگۆ بێرنابیۆ و سەیری هەموو شتێك دەكەم ، بەداخەوە هەرگیز یاریم لەو یاریگایەدا نەكردووە.
