یاریگا–
کلیان ئێمباپێ، هێرشبەری هەڵبژاردەی فەرەنسا لە یاری یەکەمی هەڵبژاردەکەی بەرامبەر دانیمارک لە خولی نەتەوەکانی ئەوروپا بەهۆی پێکان نەیتوانی لە یاریکردن بەردەوام بێت.
دوای ئەوەی هێرشبەرەکەی کەلەشێرەکان بەهۆی پێکان یاریگای جێهێشت و نەیتوانی لە یاریکردن بەردەوام بێت، ئەمڕۆ شەممە رۆژنامەی مۆندۆدێپۆرتیڤۆی کەتەلۆنی زانیاری نوێ لەسەر پێکانی ئەو یاریزانە دەستکەوت و بڵاوی کردەوە، گۆڵکارە لاوەکە لە ئەژنۆی چەپی تووشی پێکان بووە و، چاوەڕێ دەکرێت ماوەیەک لە یاریگاکان داببڕێت.
سەرچاوەکە بڵاویشی کردەوە بریارە ئەمڕۆ ئێمباپێ پشکنینی بۆ بکرێت و پاشان وادەی تەواوەتی دوورکەوتنەوەی لە یاریگاکان بڵاودەکرێتەوە.
