یاریگا-
یانەی ڕیاڵ مەدریدی ئیسپانی لەگەڵ ئەنتۆنیۆ ڕۆدیگەری ئەڵمانی و بەرگریكاری یانەی چێڵسی ئینگلیزی گەشتە ڕێككەوتن.
گرێبەستەكەی ڕۆدیگەری 29 ساڵان لەگەڵ چێڵسی لە هاوینی ئەمساڵدا بەسەردەچێت و یاریزانەكە نایەوێت گرێبەستەكەی نوێ بكاتەوە.
كەمێك پێش ئێستا فابریزیۆ ڕۆمانۆی ڕۆژنامەنووسی باوەڕپێكراو لە هەژماری تایبەتی خۆی لە تۆڕی كۆمەڵایەتی تویتەر نووسیویەتی:
” ڕیاڵ مەدرید گەشتە ڕێككەوتنی زارەكی لەگەڵ ئەنتۆنیۆ ڕۆدیگەر ، هێشتا واژۆ لەسەر گرێبەستەكە نەكراوە ، بەڵام ڕیاڵ مەدرید نزیكە لەوەی كۆتایی بە گرێبەستەكە بهێنێت بە شێوەیەكی خۆڕایی ، گرێبەستێكی دوور و درێژ دەبێت ، وردەكاریەكان پێش واژۆكردنی گرێبەستەكەی باس دەكەین ”.
هەروەها هەمان ڕۆژنامەنووس ئاشكرایكرد كە چاوەڕوان دەكرێت گرێبەستەكەی ڕۆدیگەر بۆ ماوەی چوار ساڵ بێت.
