یاریگا–
یانەی بارسێلۆنای ئیسپانیا پێش یاری ئەمشەوی یانەکەیان بەرامبەر کادیز پەیامێکی بڵاوکردەوە و داوای لە هاندەرانی کرد بە جۆش و خرۆش ئامادەی یارییەکە بن.
بلاوگرانا ئەمشەو لە گەڕی 32 لالیگا لە کامپ نۆ میوانداری کادیز دەکات، پیش یارییەکە لە هەژمارەی فەرمی یانەکەیان لە تۆڕی کۆمەڵایەتی تویتەر پەیامێکیان ئاراستەی هاندەرەکانی دەکات و داوا دەکەن ئەمشەو هەمووان لە یاریگا ئامادەبن و وەکو رابردوو بە جۆش و خرۆشەوە هانی یاریزانەکان بدەن.
بارسێلۆنا دوای دۆڕانەکەی بەرامبەر ئێنتراخت فرانکفۆرتی ئەڵمانی لە یۆرۆپالیگ، ئەمشەو کاتژمێر 22:00 بەکاتی هەولێر میوانداری کادیز دەکات.
