یاریگا-
محەمەد سەڵاحی میسڕی و ئەستێرەی یانەی لیڤەرپولی ئینگلیزی بۆ یەكەمجار باس لە دیاری نەكردنی لە پێكهاتەی فیفادا دەكات.
سەڵاح لە ڕیزبەندی حەوتەم هات لە باڵۆندۆر هەروەها لە باشترین پێكهاتەی ساڵی 2021دا كە لەلایەن فیفاوە دیاری كرا ناوی تێدا نەبوو.
لە لێدوانیدا بۆ بەرنامەیەكی تەلەفزیۆنی ئەستێرەكەی ڕێدز ووتی: هەستم بە شۆك كرد لە سەرەتادا كە ناوی من لە پێكهاتەكەدا نەبوو ، نازانم بە چ پێوەرێك ئەو پێكهاتەیە هەڵبژێردرا ، هەست بە هیچ شتێك ناكەم دژی خۆم لەلایەن فیفاوە بەڵام چەند وڵاتێك هەن كە دوورن لە تۆپەوە و نازانم بە چ پێوەرێك باشترینیان دەستنیشان كردووە ، هەرچۆن بێت ئەوە ڕاستیە و دەبێت قبوڵی بكەین.
سەبارەت بە باڵۆندۆر ووتی: بەهەمان شێوە ئەنجامەكانی باڵۆندۆریش تووشی شۆكی كردم نامەوێت هیچی زیاتر بڵێم لەو بارەیەوە ، هیچ كەسێك لە جیهاندا پێشبینی نەدەكرد من حەوتەم بم بەڵام ئەوەش ڕوویدا.
