سێ یانەكەی سوپەرلیگ دەیانەوێت پاڵەوانیەتیەكی دۆستانە ڕێكبخەن

یاریگا-

سێ یانەكەی سوپەرلیگ ڕیاڵ مەدرید ، بارسێلۆنا و یوڤێنتوس لەگەڵ یانەی ئەی سی میلانی ئیتاڵی لە گفتوگۆدان بۆ ڕێكخستنی پاڵەوانیەتیەكی دۆستانە پێش دەستپێكردنی وەرزی نوێ.

لە ماوەی ڕابردوودا بە سەركردایەتی فلۆرینتینۆ پێرێزی سەرۆكی ڕیاڵ مەدرید چەند یانەیەكی گەورەی ئەوروپا پاڵەوانیەتیەكی نوێیان بە ناوی سوپەرلیگ ڕێكخست ، بەڵام لەبەر سزاكانی یوفا یانەكانی دیكە كشانەوە و تەنها ئەو سێ یانەیە ماونەتەوە.

بەپێی زانیاریەكانی ڕۆژنامەی ئاسی ئیسپانی كە لە ئیسپنی ئەمریكیەوە زانیاری دەستكەوتووە سێ یانەكەی سوپەرلیگ پلان دادەنێن بۆ ڕێكخستنی پاڵەوانیەتیەكی دۆستانە پێش دەستپێكردنی وەرزی نوێ لەئەمریكا.

سەرچاوەكە ئاماژەشی بەوە كردووە سێ یانەكە لە گفتۆگۆدان لەگەڵ میلانی ئیتاڵی بۆ ڕێكخستنی پاڵەوانیەتیەكی چوار یانەی لە ئەمریكا.