یاریگا-
ڕاپۆرتە ڕۆژنامەوانیەكانی كەتەلۆنیا كۆتا بەرەو پێش چوونەكانیان ئاشكرا كرد سەبارەت بە نوێكردنەوەی گرێبەستەكەی گاڤی و ئاراوخۆ.
گرێبەستەكەی گاڤی لە هاوینی 2023 بەسەردەچێت و بڕی هەڵوەشاندنەوەی گرێبەستەكەشی 50 ملیۆن یۆرۆیە.
بەپێی زانیاریەكانی ڕۆژنامەی سپۆرتی كەتەلۆنی نوێكردنەوەی گرێبەستی گاڤی و ئاراوخۆ لە كارە لە پێشینەكانی بارسێلۆنایە.
هەمان سەرچاوە ئاشكرایكردووە كە یانە كەتەلۆنییەكە ئۆفەرێكیان بۆ گاڤی 17 ساڵان ناردووەبۆ نوێكردنەوەی گرێبەستەكەی بەڵام یاریزانەكە ڕەتیكردووەتەوە.
هەروەها ئاشكرایانكردووە كە یاریزانەكە نایەوێت پەلە بكات و دەیەوێت ئۆفەرێكی گونجاوی بۆ بنێرن ، بەڵام یانەكە دەیەوێت بە زووترین كات گرێبەستەكەی نوێ بكاتەوە و بڕی هەڵوەشاندنەوەی گرێبەستەكەشی زیاد بكات تا هیچ یانەیەك نەتوانێت بیگوازێتەوە.
هەمان سەرچاوە ئاشكرایكردووە كێشەكەی گاڤی هەمان كێشەی ئاراوخۆیە و یاریزانەكە پێی وایە شایستەی موچەیەكی بەرزترە هاوشێوەی پیدری و فاتی.
