یاریگا-
یانەی بارسێلۆنای ئیسپانیا ئەم وەرزە ئاست و ئەنجامی وەکو پێویست نەبووە و لە پلەی شەشەمی ریزبەندی دێت، بەڵام یاریزانانی ئەو یانەیە زیاتر لە هەموو یانەیەک بە لێدانی سەر گۆڵیان کردووە و لە پلەی یەکەم دێن.
رۆژنامەی وەرزشی ئاسی ئیسپانی بڵاویکردەوە، هەرچەندە بلاوگرانا ئەم وەرزە زۆر دوور بووە لە پێشەنگایەتی لالیگا، بەڵام یاریزانانی ئەو یانەیە بە تۆمار کردنی پێنج گۆڵ بە لێدانی سەر، زیاتر لە یاریزانەکانی گشت یانەکانی دیکەی خولەکە گۆڵیان کردووە و لە پلەی یەکەم دێن.
دوایین گۆڵی بارسێلۆنا کە بە لێدانی سەر تۆمار کرابێت، لوک دی یۆنگ هێرشىەری هۆڵەندی ئەو یانەیە لە یاری بەرامبەر گرانادا بوو.
