گواردیۆلا داوای یاریزانێکی بارسێلۆنا دەکات

یاریگا–
پێپ گواردیۆلا، راهێنەری ئیسپانی یانەی مانچێستەر سیتی ئینگلیزی داوای لە کارگێری یانەکەی کردووە، هەوڵەکانیان بۆ گواستنەوەی فرانکی دی یۆنگ ناوەڕاستکاری هۆڵەندی یانەی بارسێلۆنا دەست پێبکەن.

رۆژنامەی EL Naciomnal بڵاویکردەوە کە راهێنەرە کەتەلۆنیەکەی ستیزن سەرسامە بە ئاستی ناوەڕاستکارە هۆڵەندیەکەی بلاوگرانا، بۆیە داوای لە کارگێری یانەکەی کردووە، ئەگەر ئەم زستانەش نەبێت، ئەوا هاوینی داهاتوو هەوڵی گواستنەوەی بدەن.

دی یۆنگ ئەم وەرزە نەیتوانیوە ئاستێکی باش پێشکەش بکات، بۆیە لە ماوەی رابردوو دەنگۆیەکی زۆر بڵاوبووەتەوە کە بارسێلۆنا ئامادەیە دەستبەرداری بێت.